गडचिरोली : हॅलो महाराष्ट्र – गडचिरोलीमध्ये मन सुन्न करणारी घटना उघडकीस आली आहे. यामध्ये गडचिरोली पोलीस मुख्यालयात शिपाई असणा-या महिलेने सततच्या घरच्या वादाला कंटाळून तिने आत्महत्या केली आहे. तिने विष पिऊन आपल्या आयुष्याचा शेवट केला आहे. विशेष म्हणजे या मृत महिलेचा पतीदेखील पोलिस दलात शिपाई पदावर कार्यरत आहे. तसेच तिच्या पतीचा हा दुसरा विवाह होता. आत्महत्या केलेल्या महिलेचे नाव प्रणाली काटकर असे आहे. प्रणाली हिने नव-यासोबत होणा-या सततच्या वादाला कंटाळून हे टोकाचे पाऊल उचलले असल्याचे पोलिस निरीक्षक अरविंद कुमार यांनी सांगितले आहे. मृत प्रणाली आणि तिचा पती हे दोघेही पोलिस मुख्यालयाच्या पोलिस कॉलनीत राहत होते. काल रात्री उशीरा या दोघांमध्ये जोरदार भांडण झाले. हा वाद एवढा विकोपाला गेला कि प्रणालीने विष पिऊन आपल्या आयुष्याचा शेवट केला आहे.
काय आहे प्रकरण ?
मृत प्रणाली काटकर या पोलिस दलात मागच्या आठ वर्षापुर्वी भरती झाल्या होत्या. भरती झाल्यापासून आत्तापर्यंतची त्यांची पोलिस सेवा चांगली राहिली आहे. प्रणाली काटकर यांनी दोन वर्षापुर्वी पोलिस दलातील शिपाई संदीप पराते यांच्यासोबत विवाह केला होता. संदीपचा हा दुसरा विवाह असल्याची माहिती पोलिसांकडून मिळाली. तसेच दोघेही पोलिस मुख्यालयाच्या शेजारी असलेल्या पोलिस वसाहतीमधील एका इमारतीमध्ये राहत होते. या दोघांमध्ये सतत वाद होत असल्याचे शेजा-यांनी सांगितले. काल रात्री या दोघांमध्ये जोरात वाद झाला त्या वादातून त्यांनी टोकाची भूमिका घेऊन आपल्या आयुष्याचा शेवट केला आहे.
पतीचं दुसरं लग्न
पोलिस शिपाई संदीप पराते यांनी दुसरं लग्न का केलं ? किंवा पहिली पत्नी काय करते? पोलीस सध्या या गोष्टीचा शोध घेत आहेत. पोलिस शिपाई संदीप पराते यांनी दोन वर्षापूर्वी मृत प्रणाली काटकर सोबत दुसरं लग्न केलं होतं. या दोन वर्षांमध्ये त्यांच्यात सतत वाद होत होते. हे दोघेही पोलीस असल्याने शेजारच्या पोलिस वसाहतीत राहत होते. याच घरगुती वादाला कंटाळून आरोपीने टोकाचे पाऊल उचलले असल्याची शंका पोलिसांकडून व्यक्त करण्यात येत आहे.