हॅलो महाराष्ट्र ऑनलाईन । आज शिवजयंतीनिमित्त मनसे अध्यक्ष राज ठाकरे यांच्या हस्ते साकीनाका तसेच गोरेगाव येथील येथे मनसे शाखेचे उद्घाटन करण्यात आले. यावेळी गोरेगाव येथील कार्यक्रमावेळी मनसे अध्यक्ष राज ठाकरे कार्यकर्त्यांना मार्गदर्शन करत असताना अचानक कार्यक्रमाचे स्टेज कोसळले. या घटनेत कोणालाही दुखापत झाली नसून राज ठाकरे सुखरूप बचावले आहेत.
शिवजयंतीनिमित्त मुंबईतील गोरेगाव परिसरातील साकीनाका येथे मनसेच्या शाखेचे आज उदघाटन करण्यात आले. यावेळी मनसे अध्यक्ष राज ठाकरे यांनी व्यासपीठावर येऊन मनसेच्या पदाधिकाऱ्यांना मार्गदर्शन केले. त्यांच्या भाषणानंतर पुढील कार्यक्रम सुरु असतानाच एकाच वेळी असंख्य कार्यकर्ते स्टेजवर आल्याने स्टेज कोसळला. स्टेजचा मधला भाग अचानक खचल्याने त्यात काही महिला अडकल्या.
मुंबईतील कार्यक्रमावेळी मोठ्या संख्येने मनसे सैनिकांनी उपस्थिती लावली होती. यावेळी स्टेज कोसळल्यानंतर मनसे पदाधिकारी व कार्यकर्त्यांनी प्रसंगावधान राखत स्टेजवरील मनसे पदाधिकारी व महिला कार्यकर्त्यांना खाली उतरवले.