शिक्षकाने स्वतः चा फोटो ग्रुपमध्ये टाकून भावपूर्ण श्रद्धांजली लिहिले अन्…

लातूर – जिल्हा परीषद शाळेतील सहशिक्षकाने व्हाॅट्सअप ग्रुपवर स्वताचा फोटो व भावपूर्ण श्रध्दांजली ची पोस्ट टाकून आत्महत्या केल्याची घटना काल जिल्ह्यातील चाकूर येथे घडली आहे.

चाकूर येथील जिल्हा परीषद मुलांच्या शाळेत सचिन शिवराज अंबुलगे (40) हे शिक्षक म्हणून कार्यरत होते, शहरातील आदर्श काॅलनीतील एका भाड्याच्या खोलीमध्ये ते कुटुंबीयासह राहत होते. त्यांच्या पत्नी व मुलगा हे गावाकडे गेले असता गुरूवारी रात्री अंबुलगे यांनी शाळेतील शिक्षकांच्या व्हाट्सअप ग्रुपवर स्वताचा फोटो टाकून भावपुर्ण श्रध्दांजली असे लिहले होते. तसेच त्यांनी आत्महत्या करीत असल्याबाबत नातेवाईकांनाही सांगितले होते. शुक्रवारी सकाळी नातेवाईकांनी घराचा दरवाजा तोडून आत प्रवेश केला असता साडीच्या साह्याने त्यांनी गळफास घेऊन आत्महत्या केल्याचे दिसून आले. त्यानंतर पोलीस हवालदार शिवाजी गुंडरे, बालाजी नाईक यांनी घटनास्थळाचा पंचनामा केला. मयत अंबुलगे यांच्या जवळून चिठ्ठी आढळून आली आहे. अंबुलगे यांनी आर्थिक विवंचनेतून आत्महत्या केली असल्याचे नातेवाईकांनी सांगितले. खाजगी सावकार पतीला त्रास देत असल्याची तक्रार काही दिवसापुर्वी त्यांच्या पत्नीने पोलीसांत दिली होती.

याबाबत भाऊ रविंद्र अंबुलगे यांच्या तक्रारीवरून आकस्मात मृत्यूची नोंद करण्यात आली आहे. देवणी या त्यांच्या मुळगावी अंत्यसंस्कार करण्यात आले असून, त्यांच्या पश्चात आई, पत्नी, एक मुलगा असा परीवार आहे.