स्मशानामध्ये हातात सांगाडा घेऊन नाचत आहे ‘ही’ नन, फोटो व्हायरल

लंडन । जेव्हा आपण स्मशानाचे (Graveyard) नाव ऐकतो, तेव्हा आपण दचकतो. मात्र तुम्ही कधी एखाद्या व्यक्तीला स्मशानात सांगाड्यासह (Skelton) नाचताना (Dance) पाहिले तर तुम्हांला कसे वाटेल? साहजिकच अशी गोष्ट पाहण्याचा अनुभव खूपच भीतीदायक असेल. असाच एक फोटो सोशल मीडियावर व्हायरल होत आहे. यामध्ये ननच्या कपड्यांमध्ये असलेली एक महिला हातामध्ये सांगाडा घालून नाचताना दिसते.

हा फोटो ब्रिटनमधील हल सिटीचा आहे. मीडिया रिपोर्टनुसार, ही विचित्र घटना स्मशानभूमीजवळून जाणाऱ्या एका व्यक्तीने त्याच्या कॅमेऱ्यात कैद केली. असे सांगितले जात आहे की, हे दृश्य कोणत्याही एका व्यक्तीने पाहिले नाही तर तेथून जाणाऱ्या अनेक लोकांनी पाहिले.

Hull Live च्या रिपोर्ट्स नुसार, या घटनेवर अनेकांनी आपल्या प्रतिक्रिया दिल्या आहेत. लोकांचा विश्वास नाही की, हे प्रकरण अगदी खरे असू शकते. dailystar ने या संपूर्ण प्रकरणाचा रिपोर्टही प्रकाशित केला आहे. या रिपोर्ट्समध्ये, dailystar ने लिहिले आहे की,”Hull General Cemetery जवळ एक महिला विचित्र गोष्टी करताना दिसली आहे. प्रत्यक्षदर्शींच्या म्हणण्यानुसार, महिलेने ननसारखे कपडे घातले होते, ती आनंदाने सांगाड्यांसह खेळत होती. त्याच्यासोबत कुत्रेही उपस्थित होते.”

या घटनेवर लोकांची अनेक मते समोर येत आहेत, काही लोकांचा असा विश्वास आहे की, ही डान्सिंग नन काही स्टंट किंवा आर्ट प्रोजेक्टचा भाग आहे. त्याच वेळी, काही लोकं असेही म्हणत आहेत की, जिथे ती महिला नाचताना दिसते, ते एक निर्जन क्षेत्र आहे. 50 वर्षांपासून येथे एकही मृतदेह पुरला गेला नाही. ही स्मशानभूमी 1847 मध्ये बांधण्यात आली होती आणि 1972 मध्ये बंद करण्यात आली.