तीन महिन्याच्या गर्भवती गाईला जीवदान : महाबळेश्वर येथील गाईस विहिरीतून काढले सुरक्षित

सातारा प्रतिनिधी । शुभम बोडके

सातारा जिल्ह्यातील महाबळेश्वर येथे एका गर्भवती गाईला जीवदानाची देण्याची घटना नुकतीच घडली आहे. महाबळेश्वर तालुक्यातील वाडा कुंभरोशी या गावातील तीन महिन्याची गर्भवती गाई विहिरीत पडली होती. तिला ट्रेकर्स व प्रतापगड सर्च अँड रेसक्यू टीम यांनी सुखरूप बाहेर काढले.

याबाबत अधिक माहिती अशी की, सातारा जिल्ह्यातल्या महाबळेश्वर तालुक्यातील वाडा कुंभरोशी येथील स्थानिक शेतकऱ्यांची तीन महिन्याची गर्भवती गाई दि. 5 मार्च 2022 रोजी बेपत्ता झाली होती. बेपत्ता झालेल्या गाईचा संबंधित शेतकरी व ग्रामस्थांकडून शोध केला जात होता.

https://www.facebook.com/1506067669510655/posts/4861207027330019/?sfnsn=wiwspmo

शोधा शोधीच्या दरम्यान बेपत्ता झालेली गाई परिसरातील पूजा हॉटेल असलेल्या जवळील विहिरीत आढळून आली. तीन महिन्याची गर्भवती गाई असल्याने गाईला काळजीपूर्वक महाबळेश्वर ट्रेकर्स व प्रतापगड सर्च अँड रेसक्यू टीम यांच्यावतीने जेसीबीच्या साहायाने सुखरूप बाहेर काढले. यावेळी वाडा कुंभरोशी येथील स्थानिक ग्रामस्थानीही मदतकार्यात सहकार्य केले.