राजगढ : वृत्तसंस्था – मध्य प्रदेशातील राजगढमध्ये एक धक्कादायक घटना उघडकीस आली आहे. यामध्ये एका व्यक्तीने पत्नीच्या अफेअरला कंटाळून आत्महत्या केली आहे. या व्यक्तीने आत्महत्येपूर्वी एक व्हिडिओ बनवला असून या व्हिडिओमध्ये त्याने आपल्या पत्नीचे मुस्लिम तरुणासोबत अफेअर असल्याचे सांगितले. पत्नीच्या या अफेअरला कंटाळून या व्यक्तीने आत्महत्या केली आहे. या आत्महत्येनंतर पोलिसांनी या तरुणाची पत्नी आणि तिच्या कथित प्रियकराला ताब्यात घेऊन त्यांची चौकशी सुरू केली आहे.
काय आहे नेमके प्रकरण?
ही घटना राजगढ जिल्ह्यातील बमलाबे गावामध्ये घडली आहे. या ठिकाणी राहणाऱ्या मुकेश सेन नावाच्या तरुणाने विष पिऊन आपल्या आयुष्याचा शेवट केला आहे. मृत मुकेशने पूजा नावाच्या मुलीसोबत प्रेमविवाह केला होता. काही वर्षांपूर्वी मुकेश पूजासोबत घरातून पळून गेला होता. त्यावेळी पूजा ही अल्पवयीन होती. या प्रकरणी मुकेशविरोधात न्यायालयात खटलासुद्धा सुरु आहे अशी माहिती राजगढच्या एसपीनीं दिली आहे.
मुकेशची पत्नी पूजाचे नदीम अन्सारी नावाच्या तरुणासोबत अफेअर आहे. तसेच पूजाचे कुटुंबीय मुकेशला धमक्या देत आहेत आणि पत्नीचा प्रियकर नदीमनेही त्याच्यावर हल्ला केला होता. असे त्याने आत्महत्येपूर्वी बनवलेल्या व्हिडिओमध्ये म्हंटले आहे. यामुळे या सगळ्या प्रकाराला वैतागून मुकेशने विष पिऊन आपल्या आयुष्याचा शेवट केला आहे. राजगढ पोलीस या प्रकरणाचा पुढील तपास करत आहेत.