Top 10 Cities : भारतातील शहरांचा मोठ्या झपाट्याने विकास होत आहे. अशातच देशातील अशी काही शहरे आहे जी चांगल्या राहणीमानाची ओळखली जातात. देशातील अशी कोणती शहरे आहेत जी चांगल्या राहणीमानासाठी ओळखली जातात ? असाच प्रश्न तुम्हालाही पडला असेल तर आज याचं उत्तर तुम्हाला मिळून जाईल. कारण एका संस्थेच्या अहवालात देशातील अशा शहरांची यादी तयार करण्यात आली आहे जी राहण्यासाठी उत्तम समजली जातात. चला तर मग जाणून घेउया…
ऑक्सफर्ड इकॉनॉमिक्स या संस्थेने उत्तम राहणीमानासाठी अर्थातच लिविंग स्टॅंडर्डच्या बाबतीत चांगल्या अशा जगभरातील टॉप 1000 शहरांची नावे जाहीर केली आहेत. त्यामध्ये आपल्या महाराष्ट्रातील शहराचा देखील समावेश आहे.या संस्थेने अर्थव्यवस्था, मनुष्यबळ, राहणीमान, पर्यावरण आणि प्रशासन व्यवस्थेसाठी चांगल्या असलेल्या शहरांची यादी जाहीर केली.आजच्या लेखात आपण Top 10 मध्ये कोणती शहरे येतात ते पाहणार आहोत.
टॉप 10 यादीतील शहरे
ऑक्सफर्ड इकॉनॉमिक्स कडून जाहीर करण्यात आलेल्या यादीमध्ये देशाची राजधानी दिल्लीचा पहिला क्रमांक लागतो. म्हणजेच स्टॅंडर्ड ऑफ लिविंग च्या बाबतीत दिल्ली हे सर्वात पहिल्या क्रमांकाचे शहर बनले आहे. तर दुसरा क्रमांक लागतो हा कर्नाटकची राजधानी असलेल्या बंगळुरूचा. तर ऑक्सफर्ड इकॉनॉमिक्सच्या यादीमध्ये तिसरा क्रमांक पटकावला आहे तो म्हणजे आपल्या मुंबईने. चांगलं राहणीमानाच्या बाबतीत मुंबईचा क्रमांक तिसरा लागतो.
यादीत पुण्याचे स्थान काय ?
आता साहजिकच तुम्हाला प्रश्न पडला असेल की पुण्याचा नंबर कितवा आहे? तर ऑक्सफर्ड इकॉनॉमिक्सने जाहीर केलेल्या यादीमध्ये पुणे हे सातव्या क्रमांकाचे शहर ठरले आहे. तर पुण्याच्या आधी चेन्नई कोची आणि कलकत्ता यांचा अनुक्रमे चौथा, पाचवा आणि सहावा क्रमांक लागतो आणि त्यानंतर महाराष्ट्राची सांस्कृतिक राजधानी असलेल्या पुण्याचा सातवा क्रमांक लागतो.
पुणे शहरानंतर आठवा क्रमांक हा त्रिशूलचा आहे तर त्यानंतर हैदराबाद आणि कोझिको यांचा नंबर अनुक्रमे नवा आणि धावा आहे. पण जर 1000 शहरांच्या जागतिक यादीत राष्ट्रीय राजधानीचा क्रमांक पाहायला गेला तर तो 350 वा क्रमांक आहे तर मुंबई ही 427 व्या क्रमांकावर आली आहे तर पुणे हे 534 व्या स्थानी आहे.