नवी दिल्ली । जर तुम्ही देखील अँड्रॉइड फोनद्वारे बँकिंग वापरत असाल तर तुमच्यासाठी एक महत्त्वाची बातमी आहे. देशाच्या फेडरल सायबर सिक्युरिटी एजन्सीने एका ताज्या एडव्हायझरीमध्ये म्हटले आहे की,”भारतीय सायबर स्पेसमध्ये बँकिंग ट्रोजन मालवेअर सापडले आहे जे अँड्रॉइड फोन वापरून बँक ग्राहकांच्या पैशांची चोरीसाठी हल्ला करण्यासाठी डिझाइन केलेले आहे. त्यांनी याआधीच 27 पेक्षा जास्त सार्वजनिक आणि खाजगी क्षेत्रातील बँकांना लक्ष्य केले आहे.”
Indian Computer Emergency Response Team (CERT-In) ने मंगळवारी जारी केलेल्या एडव्हायझरीमध्ये म्हटले आहे की,” हे फिशिंग मालवेअर ‘इन्कम टॅक्स रिफंड’ म्हणून मास्करेड करत आहे आणि ग्राहकांच्या डेटाची प्रायव्हसी प्रभावीपणे धोक्यात आणत आहे आणि यामुळे मोठ्या प्रमाणावर हल्ले आणि आर्थिक फसवणूक होऊ शकतात”
या एडव्हायझरीमध्ये असे म्हटले गेले आहे की,”भारतीय बँकिंग ग्राहकांना Drinik Android Malware वापरून नवीन प्रकारच्या मोबाइल बँकिंग कॅम्पेनद्वारे लक्ष्य केले जात असल्याचे निदर्शनास आले आहे. Drinik ने 2016 मध्ये SMS चोर म्हणून सुरुवात केली आणि अलीकडेच बँकिंग ट्रोजन मध्ये विकसित झाले आहे जे फिशिंग स्क्रीन प्रदर्शित करते आणि युझर्सना संवेदनशील बँकिंग माहिती एंटर करण्यास प्रवृत्त करते.
CERT-In ने म्हटले आहे की,”सार्वजनिक आणि खाजगी क्षेत्रातील 27 हून अधिक भारतीय बँकांच्या ग्राहकांना याआधीच हल्लेखोरांनी लक्ष्य केले आहे. अशा सायबर हल्ल्यांचा सामना करण्यासाठी आणि फिशिंग तसेच हॅकिंग हल्ले आणि तत्सम ऑनलाइन हल्ल्यांपासून सायबर स्पेसचे संरक्षण करण्यासाठी CERT-In हे एक फेडरल टेक्नॉलॉजी आर्म आहे.