हॅलो महाराष्ट्र ऑनलाईन । अमेरिकेच्या सरकारने 2025 साठीचा वार्षिक धोका मूल्यांकन अहवाल (Annual Threat Assessment – ATA) सादर केला आहे, ज्यात भारत आणि चीन या दोन्ही देशांवर फँटानाईल अंमली पदार्थांच्या तस्करीच्या आरोपात ठोस भूमिका घेतली आहे. अहवालानुसार, भारत अन चीन हे फँटानाईलसाठी लागणाऱ्या रसायनांची तस्करी करीत आहेत, ज्यामुळे अमेरिकेत अंमली पदार्थांचे उत्पादन वाढले असून यामुळे मोठ्या प्रमाणात मृत्यूमुखी पडलेल्या नागरिकांची संख्या वाढली आहे. त्यामुळे आता फँटानाईलच्या तस्करीच्या मुद्द्यावरही अमेरिका आणि भारत यांच्यात तणाव निर्माण होण्याची शक्यता आहे.
52 हजार अमेरिकन नागरिकांचा मृत्यू –
अहवालाच्या मते, अमेरिकेतील अंमली पदार्थांचा सुळसुळाट प्रामुख्याने फँटानाईलमुळे झाला असून, गेल्या वर्षभरात 52 हजार अमेरिकन नागरिकांचा मृत्यू झाल्याचा दावा करण्यात आला आहे. अमेरिकेने यापूर्वीच फँटानाईलच्या तस्करीविरोधात कठोर कारवाई केली होती, अन आता यामध्ये भारताचेही नाव समाविष्ट करण्यात आले आहे.
अंमली पदार्थांशी संबंधित प्रकरण –
अंमली पदार्थांशी संबंधित आणखी एक प्रकरण न्यूयॉर्कमध्ये समोर आले आहे, ज्यामध्ये हैदराबादमधल्या एका केमिकल कंपनीच्या दोन वरिष्ठ अधिकाऱ्यांना अटक करण्यात आली होती. यावर आधारित अमेरिकेने भारतीय कंपनी आणि त्याचे अधिकारी दोषी ठरवले आहेत.
भारत आणि अमेरिका यांच्यातील द्विपक्षीय संबंधांमध्ये ताण –
तुलसी गॅबार्ड यांच्या विभागाने हा अहवाल तयार केला आहे. या अहवालामुळे भारत आणि अमेरिका यांच्यातील द्विपक्षीय संबंधांमध्ये ताण येण्याची शक्यता आहे, आणि यामुळे भविष्यात दोन्ही देशांमध्ये राजकारणाच्या नवीन वादाचा जन्म होऊ शकतो. संपूर्ण अहवाल आणि त्याचे परिणाम अमेरिकेच्या ATA अहवालात भारताचे नाव समाविष्ट केल्यामुळे अनेक तर्कवितर्क सुरू होण्याची शक्यता आहे. आगामी काळात अमेरिकेने या प्रकरणात आणखी कोणती पावले उचलली जातात, हे पाहणे महत्त्वाचे ठरेल.
