नवी दिल्ली । नव्या आयटी नियमांवरून भारत सरकारबरोबर गोंधळ घालणारी मायक्रोब्लॉगिंग साइट Twitter चा त्रास काही कमी होत नाही. आता Twitter इंडियावर आपल्या प्लॅटफॉर्मवरून हिंदूंच्या धार्मिक भावना दुखावल्याचा आरोप करण्यात आला आहे. दिल्लीत कंपनीविरोधात तक्रारही दाखल करण्यात आली आहे. वकील आदित्य सिंद देशवाल यांनी ट्विटर इंडिया, त्याचे एमडी मनीष माहेश्वरी आणि Atheist Republic नावाच्या NGO विरूद्ध हिंदु देवीचा अपमान केल्याच्या आरोपाखाली दिल्ली पोलिसांच्या सायबर सेलमध्ये FIR दाखल केली आहे. या FIR मध्ये असे म्हटले गेले आहे की,”NGS एथिस्ट रिपब्लिकने मां कालीचे आक्षेपार्ह छायाचित्र पोस्ट केले आणि Twitter इंडियाच्या वतीने या संदर्भात मुद्दाम कोणतीही कारवाई केली गेली नाही.” या FIR मध्ये असेही म्हटले गेले आहे की,”हा कन्टेन्ट केवळ अपमानास्पदच नाही तर समाजात वैर आणि वैमनस्य निर्माण करणारा आहे.” यामुळे हिंदूंच्या धार्मिक भावना दुखावल्या आहेत. या तक्रारीनंतर पोलिसांनी या प्रकरणाचा तपास सुरू केला.
तक्रारीत असे म्हटले आहे
जुलै 2011 पासून Twitter आणि Atheist Republic चा संस्थापक अर्मिन नवाबी मिळून हिंदू देवतांचा आक्षेपार्ह कन्टेन्ट दाखवत आहेत, हे Blesphemy च्या कक्षेत येतो. हिंदू धर्म आणि अन्य धर्मांबद्दल अशा blasphemous content ने Atheist Republic ची प्रोफाइल भरली आहे. परंतु Twitter ने असा कन्टेन्ट काढण्यासाठी कोणतीही पावले उचलली नाहीत. अशाप्रकारे Twitter स्पष्टपणे भारतीय कायद्याचे उल्लंघन करीत आहे आणि त्याचा संलग्न म्हणून काम करीत आहे. या FIR मध्ये असेही म्हटले गेले आहे की,” Twitter सातत्याने हिंदूंविरूद्ध द्वेषयुक्त भाषणाला प्रोत्साहन देत आहे आणि असे कन्टेन्ट दडपून न ठेवता IPC च्या अनेक कलमांचे उल्लंघन करीत आहे.”
यापूर्वी चाइल्ड पोर्नोग्राफीबाबतही आली होती तक्रार
सोशल मीडिया प्लॅटफॉर्मवरील अडचणी दिवसेंदिवस वाढतच आहेत. धार्मिक भावना भडकवण्याच्या या प्रकरणापूर्वी Twitter वर दिल्लीमध्ये चाइल्ड पोर्नोग्राफीबाबत गुन्हा दाखल करण्यात आला होता. आता हे नवीन प्रकरण POSCO ऍक्ट आणि आयटी कायद्यांतर्गत नोंदविण्यात आले आहे. राष्ट्रीय बाल हक्क संरक्षण आयोग अर्थात NCPCR च्या तक्रारीनंतर दिल्ली पोलिसांच्या सायबर सेलने याबाबत गुन्हा दाखल केला होता. NCPCR ने आपल्या तक्रारीत म्हटले आहे की,”Twitter वर मुलांशी संबंधित अश्लील कन्टेन्ट सतत पोस्ट केली जात आहे.”
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा
Click Here to Join Our WhatsApp Group