कराड प्रतिनिधी । सकलेन मुलाणी
कराड तालुक्यातील उंब्रज येथील चोरे रोड परिसरातील एका काँलनीतील युवती नुकतीच कोरोना मुक्त झाली. पंरतु युवतीच्या निकट सहवासातील दोघांचे रिपोर्ट कोरोना बाधित असल्याचे अहवाल रविवारी रात्री प्राप्त होत असुन पुन्हा एकदा भितीचे वातावरण निर्माण झाले आहे.
दरम्यान कोरोना बाधित असणारे हे दोन्ही निकटवर्तीय सध्या कराड येथे इन्स्टिट्यूट क्वारनटाईनमध्ये आहेत. आज १४ दिवसानंतर दुपारी त्यांचे स्वँब तपासणीसाठी घेण्यात आले होते. त्यांचे रिपोर्ट पॉजिटीव्ह आल्याने कराड तालुक्यात कोरोना रुग्णांचा आकडा 96 वरती गेला आहे तर सातारा जिल्ह्यातील कोरोना रुग्णांची संख्या 135 वर पोचली आहे.
कराड तालुक्यातील रुग्ण संख्या 96 झाली आहे यापैकी, कृष्णा हॉस्पिटल कराड येथून 30, उपजिल्हा रुग्णालय कराड येथून 4 तर सह्याद्री हॉस्पिटल कराड येथून 21 रुग्ण असे एकूण 55 रुग्ण आजपर्यंत कोरोनामुक्त झाले आहेत. जिल्ह्यात आतापर्यंत कोरोना बाधित झालेल्या व्यक्तिंची संख्या 135 झाली असून या पैकी कोरोना मुक्त होवून घरी गेलेले रुग्णसंख्या 66 आहे तर मृत्यु झालेले 2 रुग्ण आहेत.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.
