हॅलो महाराष्ट्र ऑनलाईन| सध्या जिओकडून नवनवीन प्लॅनस् ऑफर केले जात आहेत. नुकताच जिओने (Jio Plans)एक भन्नाट प्लॅन लॉन्च केला आहे. या प्लॅनअंतर्गत तुम्हाला दिवसाला फक्त 5 रूपये भरून अनलिमिटेड कॉलिंग, डेटा आणि एसएमएसची सेवा मिळेल. या प्लॅनची वैधता 336 दिवस आहे. त्यामुळे या प्लॅनचा तुम्ही संपूर्ण वर्षभर लाभ घेऊ शकता. तसेच या प्लॅनमुळे तुमचे पैसे ही वाचतील. यामुळेच हा प्लॅन नेमका काय आहे याविषयी जाणून घ्या.
जिओकडून लॉन्च करण्यात आलेला हा प्लॅन 1899 रुपयांचा आहे. म्हणजेच या प्लॅनअंतर्गत तुम्हाला दररोज फक्त 5 रुपये भरून तुम्हाला अमर्यादित कॉलिंग, डेटा आणि एसएमएस मिळतील. मात्र, यामध्ये उपलब्ध डेटा फक्त 24 जीबी आहे. परंतु सध्या जे लोक कमी किमतीमध्ये अनलिमिटेड कॉलिंग डेटा आणि मेसेज मिळतील असा प्लॅन शोधत आहेत त्यांच्यासाठी हा प्लॅन चांगला पर्याय ठरेल.
खरे तर यापूर्वी या प्लॅनची किंमत 1599 अशी होती. मात्र 3 जुलैपासून रिचार्जच्या किमती वाढल्यामुळे आता याच प्लॅनची किंमत 1899 रुपये इतकी झाली आहे. म्हणजेच हा प्लॅन गेल्या तीन जुलैपासून महागला आहे. तुम्ही जर या प्लॅनची सरासरी किंमत मोजली तर ती दररोज 5 रुपये दराने उपलब्ध आहे. म्हणजेच रिचार्ज केल्यानंतर तुम्ही दररोज फक्त पाच रुपयांमध्ये डेटा आणि अनलिमिटेड कॉलचा लाभ घेऊ शकता.
दरम्यान, जिओच्या वापरकर्त्यांना मिळणाऱ्या व्हॅल्यू प्लॅन्सची किंमत आता 189 रुपये, 479 रुपये आणि 1899 रुपये इतकी आहे. यामध्ये सर्वात जास्त वैधता असलेला प्लॅन हा 1899 रुपयांचा आहे. या प्लॅनचाच दररोजचा खर्च फक्त 5.6 रुपये आहे. त्यामुळेच हा प्लॅन ग्राहकांना सर्वात जास्त परवडत आहे. जिओ आपल्या इतर प्लानमध्ये देखील अनलिमिटेड कॉलिंग आणि अनलिमिटेड डेटा देत आहे. परंतु या प्लॅनच्या किमती वेगवेगळया आहेत.