पुणे | “ना आयुष्याची शाश्वती, ना कामाचा गौरव” ही थीम असलेला कर्तव्यदक्ष अधिकाऱ्यांचा मार्गदर्शनपर कार्यक्रम फर्ग्युसन महाविद्यालयातील ‘कर्तव्य’ – civil services aspirants club व विद्यार्थी विकास मंडळ यांच्या तर्फे आयोजित करण्यात आला होता. कार्यक्रमास भारतीय पोलीस सेवेतील दोन अधिकारी बोलावण्यात आले होते. प्रसाद अक्कनोरु व ज्योती प्रियासिंग यांनी यावेळी विद्यार्थ्यांना मार्गदर्शन केले.
पोलीस अधिकारी प्रसाद अक्कनोरु यांनी स्पर्धा परिक्षेसाठी सुरवात व तयारी कशी करावी, कोणती पुस्तके, कोणकोणत्या गोष्टींची काळजी घ्यावी ह्या गोष्टीवर मोलाचे मार्गदर्शन केले. तर ज्योती प्रिया सिंग यांनी भारतीय सेवेमधील त्यांचे अनुभव व नवीन पिढीसमोरील आव्हाने या वर बोलताना विद्यार्थ्यांना कसे आपण संविधानाचे पालन करत देशाची सेवा करावी व खऱ्या अर्थाने जीवनात समाधानी राहावे व देशाबद्दलची, आपल्या समाजाची तसेच आई वडिलांची जाणीव ठेवून खऱ्या अर्थाने कार्य तत्पर राहावे, याबाबत मोलाचे मार्गदर्शन केले.
कार्यक्रमाच्या सुरुवातीला फर्ग्युसन महाविदयलायचे प्राचार्य डॉ. रवींद्रसिंह परदेशी यांनी ‘कर्तव्य’टीम ला शुभेच्छा दिल्या. ह्या प्रेरणादायी कार्यकम यांची श्रृंखला अशीच चालू रहावी, त्यासाठी सर्वांनी एकत्र येऊन काम केले पाहिजे. कार्यक्रमाचे प्रास्ताविक विशाल दाभाडे याने केले तर सूत्रसंचालन अस्मिता या विद्यार्थीने केले. कार्यक्रमाची सांगता राष्ट्रगीताने झाली.
