हॅलो महाराष्ट्र ऑनलाईन । बुधवारी न्यूयॉर्क शहरातील फेडरल जेलमध्ये अधिकाऱ्यांनी पेपर स्प्रे (मिरपूड)ची फवारणी केल्याने एका कैद्याचा मृत्यू झाला आहे. ब्यूरो ऑफ प्रिजनने ही माहिती दिली. एजन्सीने सांगितले की, जेलमध्ये अधिकाऱ्यांनी एका ३५ वर्षीय कैदी असलेला कृष्णवर्णीय जमाल फ्लॉयड याच्यावर पेपर स्प्रेची फवारणी केली. त्याने ब्रूकलिनच्या मेट्रोपॉलिटन रीस्ट्रंट सेंटरमध्ये त्याच्या सेलमध्ये बॅरिकेड लावून धातूच्या वस्तूने तुरुंगच्या दाराची खिडकी तोडली होती.
एजन्सीने दिलेल्या निवेदनात म्हटले आहे की, “तो स्वत:साठी आणि इतरांसाठी अपायकारक झाला होता. त्यामुळे त्याच्यवर पेपर स्प्रे मारून त्याला जेलमधून बाहेर काढले गेले. मात्र, पेपर स्प्रेच्या फवारणीने त्याची प्रकृती खालावू लागली आणि त्यानंतरच त्याचा मृत्यू झाला. फ्लॉइडच्या आईने सांगितले की,’त्यांच्या मुलाला दम्याचा आणि मधुमेहाचा त्रास होता आणि तुरूंगातील अधिकाऱ्यांना त्याच्या या आजाराची माहिती होती.
मागील आठवड्यातच पोलिस कोठडीत एका काळ्या अमेरिकन नागरिकाचा,जॉर्ज फ्लॉइडच्या झालेल्या मृत्यूमुळे अमेरिकेसह जगभरात निदर्शने होत आहेत. येथील देशातील हिंसाचार थांबण्याचे नाव घेत नाही आहे.
राष्ट्राध्यक्ष डोनाल्ड ट्रम्प यांनी या हिंसक निदर्शनांना देशांतर्गत दहशतवाद असे म्हटले आहे. जॉर्ज फ्लॉइडच्या मृत्यूमुळे ही हिंसक निदर्शनांची आग अमेरिकेतील सुमारे १४० शहरांमध्ये पोहचली. गेल्या अनेक दशकांतील या देशातील हि सर्वात वाईट अराजकता मानली जात आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.