हॅलो महाराष्ट्र ऑनलाईन । लेबनीज हेझबुल्लाचा कमांडर मुहम्मद कावथरानी याच्या गतिविधी,नेटवर्क आणि सहयोगीविषयी कोणत्याही माहिती देण्याऱ्यासाठी अमेरिकेने दहा दशलक्ष डॉलर्सचे बक्षीस जाहीर केले आहे. इराकमधील इराण समर्थीत गटांचे संयोजन करण्यात महत्वाची भूमिका बजावल्याचा आरोप या कमांडरवर आहे.
अमेरिकेच्या परराष्ट्र विभागाने शुक्रवारी दिलेल्या आपल्या निवेदनात म्हटले आहे की, इराकमधील निमलष्करी गटांचे राजकीय समन्वय सांभाळणाऱ्या काथारानी इराकमधील लेबनीज शिया चळवळीचा वरिष्ठ अधिकारी आहे. या गटाचे पूर्वी संचालन कासिम सुलेमानी यांनी केले होते.
इराणच्या रेव्होल्यूशनरी गार्डचा शक्तिशाली नेता सुलेमानी जानेवारीच्या सुरूवातीला बगदादमध्ये अमेरिकेच्या हल्ल्यात शहीद झाला होता. अमेरिकेने २०१३ पासून कावथरानी दहशतवादासाठी काळ्या यादीत टाकले आहे.
अमेरिकेचे म्हणणे आहे की कावथरानी इराक सरकारच्या नियंत्रणाबाहेर काम करणाऱ्या गटांच्या कृती सुलभ करते, ज्यांनी निषेधांना हिंसकपणे दडपले आणि परराष्ट्र मुत्सद्दी मोहिमेवर हल्ला केला. अमेरिकेचा परराष्ट्र विभाग हिज्बुल्लाहला एक दहशतवादी संघटना म्हणून पाहतो.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.