हॅलो महाराष्ट्र ऑनलाईन । VI Share Price – व्होडाफोन आयडिया लिमिटेड (Vi) ला सर्वोच्च न्यायालयाकडून मोठा दिलासा मिळाला आहे. न्यायालयाने 1600 कोटी रुपयांच्या कर परताव्याबाबत मुंबई उच्च न्यायालयाचा निर्णय कायम ठेवला आहे. यामुळे शेअर बाजारात Vi च्या शेअर्समध्ये प्रचंड तेजी पाहायला मिळाली असून, शेअरची किंमत 35.40% ने वाढली आहे. त्यामुळे हे शेअर्स फायदेशीर ठरणार आहे. तर चला यबाबात अधिक माहिती जाणून घेऊयात.
सर्वोच्च न्यायालयाने अपील फेटाळले –
सर्वोच्च न्यायालयाने कर विभागाचे अपील फेटाळले असून, त्यांचा 295 दिवसांचा विलंब स्वीकारण्यास नकार दिला. यामुळे, 2016-17 च्या मूल्यांकन वर्षासाठी व्होडाफोन आयडियाला 1600 कोटी रुपयांचा परतावा दिला जाईल, ज्यावर सर्वोच्च न्यायालयाने शिक्कामोर्तब केले.
Vi च्या शेअर्समध्ये मोठी तेजी (VI Share Price)–
शेअर बाजारात तेजी सर्वोच्च न्यायालयाच्या निर्णयानंतर, Vi च्या शेअर्समध्ये (VI Share Price) मोठी तेजी पाहायला मिळाली. गेल्या पाच दिवसांत शेअरची किंमत रु 10.48 वर पोहोचली आहे, ज्यात 35% वाढ आहे. सोमवारीच शेअरची किंमत 14.91% ने वाढली. कंपनीचा 52 आठवड्यांचा उच्चांक रु 54.25 आणि नीचांक रु 19.37 होता. गेल्या महिन्यातही शेअर्समध्ये 10% वाढ झाली आहे.
बँक गॅरंटीवर सवलत –
सरकारकडून Vi ला स्पेक्ट्रम लिलावासाठी आवश्यक असलेल्या बँक गॅरंटीवर सवलत देण्यात आली आहे. यामुळे कंपनीला आर्थिक बोजा कमी करण्यास मदत होईल आणि भविष्यातील गुंतवणुकीसाठी निधी मिळवणे सोपे होईल. HCLSoftware सह भागीदारी Vi ने HCLSoftware सह भागीदारी केली आहे, ज्यामुळे कंपनीच्या 4G आणि 5G नेटवर्क कार्यक्षमतेत सुधारणा होईल. या कराराच्या माध्यमातून नेटवर्क कार्यप्रदर्शन सुधारणे, ऊर्जा बचत करणे आणि ग्राहकांना उच्च दर्जाच्या सेवा प्रदान करणे हे उद्दिष्ट साधता येईल.
4G आणि 5G नेटवर्क सुधारणा –
कंपनीचे भविष्य व्होडाफोन आयडिया चेअरमन कुमार मंगलम बिर्ला यांच्या नेतृत्वाखाली कंपनीच्या 4G आणि 5G नेटवर्क सुधारणा, ऊर्जा प्रकल्पांमध्ये गुंतवणूक आणि खर्च व्यवस्थापनाच्या पद्धतींमुळे कंपनीच्या आर्थिक स्थितीला स्थिरता येण्याची शक्यता आहे. ब्रोकरेज हाऊसचे मत जागतिक ब्रोकरेज फर्म UBS ने Vi साठी ‘BUY’ रेटिंग कायम ठेवले आहे, परंतु शेअरचे लक्ष्य मूल्य रु 19 वरून रु 13 पर्यंत कमी केले आहे. Vi च्या शेअर्समध्ये (VI Share Price) आणखी वाढ होण्याची शक्यता आहे. गुंतवणूकदारांसाठी ही चांगली संधी ठरू शकते.
हे पण वाचा : आर्थिक फसवणूक रोखण्यासाठी RBI चे नवीन निर्देश जारी; आता ग्राहकांना येणार या नंबरवरून कॉल्स
शिक्षक भरतीच्या दुसऱ्या टप्प्याला सुरूवात; 20 जानेवारीपासून पवित्र पोर्टल सुरु
