हॅलो महाराष्ट्र ऑनलाईन । बॉलिवूड अभिनेत्री तारा सुतारिया हिचा एक व्हिडिओ सध्या इंटरनेटवर मोठ्या प्रमाणात व्हायरल होत आहे. या व्हिडिओमध्ये तारा आदर जैन (अभिनेत्री करीना कपूरचा भाऊ) याच्यासोबत स्टेजवर जोरदार नाच करताना दिसत आहे. या व्हिडिओमध्ये, तारा आणि आदर ‘दिल लुटीया’ गाण्यावर तुफान नाच करीत आहेत.तारा आणि आदरचा हा व्हिडिओ फॅशन डिझायनर मनीष मल्होत्राने आपल्या इंस्टाग्राम अकाऊंटवर शेअर केला आहे.
या व्हिडिओमध्ये तारा सुतारियाने पांढर्‍या रंगाचा लेहेंगा घातला आहे. मनीष मल्होत्रा याने डिझाईन केलेल्या या आउटफिटमध्ये तारा खूपच सुंदर दिसत आहे. अभिनेत्रीच्या या व्हिडिओवर चाहते खूपच खुश झाले असून त्यावर आपली प्रतिक्रिया व्यक्त करीत आहेत आणि प्रतिक्रियाही देत आहेत. हा व्हिडिओ अनीसाच्या संगीत सोहळ्यादरम्यानचा आहे.
तारा सुतारियाने बॉलिवूडमध्ये येण्याआधीच दूरदर्शन विश्वात आपली ओळख निर्माण केली आहे. बाल अभिनेत्री म्हणून तिला प्रथम बिग बडा बूममध्ये पाहिले होते. यानंतर तारा सुतारिया ‘करण आणि कबीरची स्वीट लाइफ’ मध्येही दिसली. अलीकडेच अभिनेत्री सिद्धार्थ मल्होत्रासमवेत’मरजावां’ या चित्रपटात दिसली, ज्यात तिची स्टाईल सर्वांना खूप आवडली. या चित्रपटात तारा आणि सिद्धार्थ यांच्यासह अभिनेता रितेश देशमुख मुख्य भूमिकेत होता.