हॅलो महाराष्ट्र ऑनलाईन । कोविड -१९ च्या उद्रेकादरम्यान, सोशल मीडिया प्लॅटफॉर्मवरील कोणताही मेसेज लगेचच व्हायरल होत आहे. सरकार आणि सोशल मीडिया कंपन्यांनी सतत अनेक पावले उचलल्यानंतरही फेक न्यूज व्हायरल होतच आहेत. भारतीय उद्योजक आणि टाटा सन्सचे माजी अध्यक्ष रतन टाटा यांच्याविषयीचा असाच एक मेसेजही यावेळी सोशल मीडियावर मोठ्या प्रमाणात व्हायरल झाला आहे. या संदेशामध्ये कोविड -१९ शी संबंधित अर्थव्यवस्थेवर रतन टाटाच्या हवालाने काही गोष्टी बोलण्यात आल्या आहेत.
रतन टाटांचा हवाला देऊन काय बोलले जात आहे?
रतन टाटांच्या नावाने व्हायरल होत असलेल्या या मेसेजमध्ये त्यांचा फोटो आणि वृत्तपत्राचा लेख आहे. या लेखामध्ये कोविड -१९ मुळे भारतीय अर्थव्यवस्थेत मोठ्या प्रमाणात घट येण्याची अपेक्षा असलेल्या तज्ञांना लक्ष्य केले आहे. असे लिहिले आहे: ‘तज्ञांविषयी मला फारसे माहिती नाही. पण मला मानवी प्रेरणा आणि कठोर परिश्रम याबद्दल नक्कीच माहिती आहे.
रतन टाटा काय म्हणाले?
शनिवारी या ८२ वर्षीय रतन टाटांनी याबाबत स्पष्टीकरण जारी केले आणि सोशल मीडियावर लिहिले की, ‘व्हॉट्सअ‍ॅप आणि इतर सोशल मीडिया प्लॅटफॉर्मवर प्रसारित केलेल्या माहितीची पडताळणी करण्याची मी तुम्हाला विनंती करतो’
This post has neither been said, nor written by me. I urge you to verify media circulated on WhatsApp and social platforms. If I have something to say, I will say it on my official channels. Hope you are safe and do take care. pic.twitter.com/RNVL40aRTB
— Ratan N. Tata (@RNTata2000) April 11, 2020
त्यांच्या नावाने व्हायरल होत असलेल्या बनावट बातम्यांना नकार देत ते म्हणाले की मला काही सांगायचे असेल किंवा काही माहिती द्यायची असेल तर मी ही माहिती काही अधिकृत वाहिनीमार्फत देईन.
रतन टाटा यांनी ५०० कोटी रुपये देण्याची घोषणा केली आहे
२८ मार्च रोजी रतन टाटा यांनी ट्वीटद्वारे माहिती दिली होती की त्यांनी वैयक्तिक संरक्षक उपकरणाच्या विकासासाठी ५०० कोटी देणार असल्याचे जाहीर केले आहे. हे पीपीई वैद्यकीय कर्मचारी वापरतील. तसेच, व्हेंटिलेटर, चाचणी किट आणि मॉड्यूलर उपचार सुविधांविषयी माहिती प्रदान केली गेली.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.