हॅलो महाराष्ट्र ऑनलाईन। (Viral Video) समुद्र जितका शांत आणि सुंदर दिसतो तितकाच तो रुद्र देखील होतो. त्यामुळे पावसाच्या दिवसात शक्यतो समुद्रकिनारी न जाण्याच्या सूचना वारंवार दिल्या जातात. असे असूनही बरेच तरुण मुलं- मुली, प्रेमी युगल समुद्रकिनाऱ्याच्या मोह टाळण्यास असमर्थ ठरतात आणि भावनेच्या आहारी जाऊन मोठे नुकसान करून घेतात. बऱ्याचवेळा समुद्राच्या लाटांचा अंदाज येत नाही आणि अशावेळी होत्याच नव्हतं व्हायला एक क्षण देखील पुरेसा ठरतो. असेच काहीसे एका कपलसोबत घडल्याचा एक हृदयद्रावक व्हिडीओ समोर आला आहे. जो पाहून तुम्हालाही दुःख होईल.
लाटांमध्ये रोमान्स करणे पडले महागात (Viral Video)
सोशल मीडियावर एक व्हिडीओ व्हायरल होत आहे. ज्यामध्ये एक जोडपे भरपावसात समुद्रातील उंच लाटांमध्ये उभे राहून रोमान्स करताना आपण पाहू शकतो. यावेळी अचानक एक उंच लाट आली आणि पुढे जे काही घडले ते फारच भयानक होते. सोशल मीडियावर व्हायरल होणार हा व्हिडीओ अगदी धडकी भरवणारा ठरतोय. समुद्रात वादळ सुरू असताना मध्यभागी रोमान्स करत असलेलं हे जोडपं उंच उंच लाटांचा आनंद घेत होतं. दरम्यान, एक भली मोठी लआत आली आणि त्या लाटेमध्ये प्रेयसी ओढली गेली.
प्रियकराच्या डोळ्यासमोर वाहून गेली प्रेयसी
ही लाट इतकी भयानक होती की, क्षणार्धात प्रियकराच्या डोळ्यांसमोर त्याची प्रेयसी समुद्रात ओढली गेली आणि त्यांनतर दिसेनाशी झाली. माहितीनुसार, ही दुर्घटना रशियातील सोचीत घडली आहे. जी या ठिकाणी लावलेल्या कॅमेऱ्यात कैद झाली आणि त्यामुळे सोशल मीडियावर व्हायरल होत आहे. (Viral Video) या घटनेचा व्हिडीओ पाहून कुणालाही धक्का बसेल. समुद्राच्या लाटांमध्ये रोमान्स करताना आल्या प्रेयसीला डोळ्यासमोर वाहून जाताना पाहून प्रियकर अस्वस्थ झाला होता. त्यांनी लाटांमध्ये तिला शोधण्याचा प्रयत्न केला. मात्र, काही केल्या ती काही सापडली नाही.
वृत्तानुसार, रेस्क्यू टीम गेल्या ३ दिवसांपासून या मुलीचा शोध घेत होती. परंतु त्यांना कोणतीही अपडेट मिळाली नाही. या व्हिडिओवर नेटकरी विविध प्रतिक्रिया देत आहेत. (Viral Video) यापैकी एकाने लिहिलं, ‘समुद्रात वादळ असेल तर चुकूनही मर्यादा ओलांडायच्या नसतात.. अन्यथा पोहायला येत असलं तरीही समुद्र आपल्याला आत ओढतो’. आणखी एकाने लिहिलं, ‘किती भयानक आहे हे. मी यापूर्वी असं कधीही पाहिलं नव्हतं. मला वाटतं त्याने तिला वाचविण्याचे फार काही कष्ट घेतले नाहीत’.