हॅलो महाराष्ट्र ऑनलाईन। (Viral Video) लहानांपासून अगदी मोठ्यांपर्यंत सगळ्यांना आवडणारा पदार्थ म्हणजे पाणी पुरी. मस्त आंबट गोड तिखट पाण्यासह लुसलुशीत बटाटा आणि त्यासोबत कुरकुरीत पुरी.. अहाहा!! नुसतं कल्पना करूनच तोंडाला पाणी सुटलं ना? हा असा पदार्थ आहे जो क्वचितच कुणाला आवडत नसेल. सुट्टीच्या दिवशी कमाल पाणीपुरीचा बेत आखून घरच्या घरी कुटुंबीय आणि मित्र मैत्रिणींसोबत एन्जॉय करायला कुणाला आवडणार नाही? तुम्ही करता का नाही असा काही बेत? करत नसाल तर सोशल मीडियावर व्हायरल होणारा हा व्हिडीओ पाहून तुम्हीही अशी एक पार्टी नक्की द्याल.
व्हायरल व्हिडीओ (Viral Video)
सोशल मीडियावर एक व्हिडीओ व्हायरल होतो आहे. जो एका घरातील व्हिडीओ आहे. या व्हिडीओमध्ये काही तरुण मुले मुली अगदी मांडी घालून शेजारी शेजारी पंगत करून बसले आहेत. इतकच नाही तर प्रत्येकासमोर पुरी, बटाट्याचे मिश्रण आणि पाणीपुरीचे पाणी देखील दिसत आहे. प्रत्येक जण पाणी पुरी खाण्यात प्रचंड मग्न आहे. शिवाय प्रत्येकाच्या चेहऱ्यावर मनसोक्तपणे पाणीपुरी खाण्याचा आनंद दिसतो आहे. व्हिडीओ पाहून हे तरुण एकतर मित्र असावेत किंवा भावंड असावीत असा अंदाज लावला जातोय. पण काही म्हणा, व्हिडीओ पाहून एक अशी पंगत आपल्याही घरात लागावी असे वाटत असेल, तर त्यात काही चूक नाही.
सोशल मीडियावर हा व्हिडीओ तुफान व्हायरल होतो आहे. या व्हिडिओवर लिहिले आहे की, ‘माझ्या टाइपनुसार फॅन्सी रेस्टॉरंट’, हा व्हिडीओ बऱ्याच खवय्यांनी आणि पाणीपुरी लव्हर्सने पसंत केला आहे. (Viral Video) सोशल मीडिया हॅण्डल इंस्टाग्रामवर ritu_kishan_sangani या नावाच्या अकाउंटवरून हा व्हिडीओ शेअर करण्यात आला आहे. ज्याच्या कॅप्शनमध्ये लिहिलंय, ‘घरी बनवलेली पाणी पुरी. या व्हिडीओवर अनेक नेटकऱ्यांनी विविध प्रतिक्रिया दिल्या आहेत.
एकाने मजेत म्हटलंय, ‘अरे … मी नजर लावली आता तुमच्या सगळ्यांच्या पोटात दुखणार’. तर आणखी एकाने लिहिलंय, ‘भाऊ.. आता ठेला लावायला तुम्ही सगळे तय्यार आहात’. तसेच अन्य एकाने लिहिले आहे की, ‘हे तर पाणी पुरी खाण्याच्या स्पर्धेसारखं वाटत आहे.. एकदम भारी’. आणखी एका नेटकाऱ्याने लिहिलंय, ‘अशी पार्टी करायला मला पण आवडेल… कशी इथे मीपण असते’. (Viral Video)