हॅलो महाराष्ट्र ऑनलाईन। (Viral Video) आजच्या डिजिटल युगातील प्रत्येक व्यक्ती सोशल मीडियावर सक्रिय आहे. त्यामुळे अनेक व्हिडीओ तुफान व्हायरल होताना दिसतात. यातील काही व्हिडीओंवर ट्रोलिंगची सॉलिड बरसात होते. तर काही व्हिडिओंना मात्र नेटकऱ्यांची खास पसंती मिळते. असाच एक व्हिडीओ सोशल मीडियावर व्हायरल होताना दिसत आहे. या व्हिडिओमध्ये काही शाळकरी मुलींनी ‘जोगवा’ या चित्रपटातील ‘लल्लाटी भंडार’ या गाण्यावर बहारदार नृत्य सादर केले आहे.
सोशल मीडियावर आजपर्यंत तुम्ही अनेक डान्सचे व्हिडीओ व्हायरल होताना पाहिले असतील. मात्र या व्हिडिओला नेटकऱ्यांनी डोक्यावर उचलून घेतले आहे. (Viral Video) हा व्हिडीओ पाहून समजतंय कि, एका शाळेत सांस्कृतिक कार्यक्रमाचे आयोजन करण्यात आले आहे आणि या कार्यक्रमात काही विद्यार्थिनींनी आपल्या नृत्याचे बहारदार सादरीकरण केले आहे. या विद्यार्थीनींचा हा डान्स व्हिडीओ सध्या सोशल मीडियावर चांगलाच चर्चेत आहे. या व्हिडीओत आपण पाहू शकतो कि, या शाळकरी मुली बेभान होऊन जोगवा करत आहेत.
सोशल मीडियावर नेटकऱ्यांचे लक्ष वेधून घेणारा हा डान्स व्हिडीओ nishii.tiwari या इंस्टाग्राम हँडलवर शेअर करण्यात आला आहे. (Viral Video) या व्हिडिओत आपण पाहू शकतो कि, एका शाळेच्या मैदानात सांस्कृतिक कार्यक्रमाचे आयोजन करण्यात आले आहे. सभोवताली अनेक विद्यार्थी बसलेले आहेत आणि त्यांच्यासमोर काही विद्यार्थीनी जोगवा नृत्य सादर करत आहेत. यावेळी त्यांनी लाल आणि हिरव्या रंगाची नऊवारी साडी परिधान केली आहे. मोकळे केस, साजेशी वेशभूषा आणि एनर्जेटिक डान्स स्टेप्समूळे त्यांचे नृत्य लक्षवेधी ठरले आहे.