हॅलो महाराष्ट्र ऑनलाईन। (Viral Video) सोशल मीडियावर बरेच व्हिडीओ व्हायरल होत असतात. यांपैकी काही व्हिडीओ चांगले तर काही चांगलेच डोक्यात जाणारे असतात. सध्या सोशल मीडियावर असाच मस्तकात जाणारा एक व्हिडीओ व्हायरल होतो आहे. हा व्हिडीओ एका सॅलोनमधला आहे. या व्हिडिओत आपण सॅलोन चालकाचे अत्यंत घाणेरडे आणि किळसवाणे कृत्य पाहू शकतो. हातावर थुंकी लावून त्याने ग्राहकाचा फेस मसाज केल्याचा हा संतापजनक प्रकार या व्हिडिओतून समोर आला आहे. ज्यातून स्वच्छतेचे गंभीर प्रश्न उपस्थित झाले आहेत.
सॅलोन चालकाचे किळसवाणे कृत्य (Viral Video)
हा व्हायरल व्हिडीओ उत्तर प्रदेशच्या लखनौमधील एका केसकर्तनालयातील आहे. या दुकानातील सीसीटीव्ही व्हिडीओमध्ये ही किलनवानी घटना कैद झाली असून आता या घटनेचा व्हिडीओ सोशल मीडियावर व्हायरल होत आहे. या व्हिडीओत दिसतंय की, सॅलोन चालक ग्राहकाच्या चेहऱ्यावर मसाज करण्यापूर्वी हातावर थुंकला आणि त्यानंतर त्याने आपली थुंकी थेट ग्राहकाच्या चेहऱ्यावर मसाज करताना फासली. यावेळी ग्राहकाचे डोळे बंद असल्यामुळे सॅलोन चालकाचा हा घाणेरडा प्रकार त्याच्या लक्षात आला नाही.
मात्र, आपल्या चेहऱ्यावर थुंकी लावली असल्याची शंका आल्यामूळे ग्राहकाने सीसीटीव्ही फुटेज तपासले. यावेळी त्याला सॅलोन चालकाने आपल्या चेहऱ्यावर मसाजच्या निमित्ताने स्वतःची थुंकी लावल्याने दिसले आणि त्याला धक्का बसला. (Viral Video) याबाबत ग्राहकाने त्वरित पोलिसांत तक्रार दाखल केली आणि यानंतर पोलिसांनी देखील तडक कारवाई करत या सॅलोन चालकाला ताब्यात घेतले आहे. या गंभीर प्रकाराची माहिती समोर आल्यानंतर सॅलोन चालकाला अटक झाली असली तरी हा व्हिडीओ पाहिल्यानंतर लोकांना मनात आरोग्य आणि स्वच्छतेबाबत मोठे प्रश्न निर्माण झाले आहेत.
युजर्स भडकले
सोशल मीडियावर हा व्हिडीओ व्हायरल झाला असून आरोपी केशकर्तनकाराचे नाव झैद असल्याचे समजत आहे. त्याच्या या किळसवाण्या कृत्यामुळे सर्वत्र एकच खळबळ उडाली आहे. (Viral Video) ग्राहकाच्या तक्रारीनंतर पोलिसांनी झैदला अटक केली असून याबाबत त्याची कसून चौकशी सुरू आहे.
सोशल मीडियावर हा व्हिडीओ प्रचंड व्हायरल झाल्यानंतर अनेक युजर्सने या प्रकाराबाबत संताप दर्शवला आहे. अनेकांनी झैदला कडक शासन करावे, अशी मागणी केली आहे. (Viral Video) या व्हिडिओच्या कमेंट बॉक्समध्ये असाच आणखी एक व्हिडीओ शेअर करण्यात आला आहे. हे व्हिडीओ पाहून सॅलोनमध्ये जायचं का नाही? असा प्रश्न पडेल.