Viral Video | वंदे भारत ही एक सेमी हाय स्पीड ट्रेन आहे. संपूर्ण राज्यामध्ये जवळपास आठ वंदे भारत एक्सप्रेस सुरू झालेल्या आहेत. आज काल देशातील अनेक रेल्वे ट्रॅकवर प्राणी फिरताना दिसत आहे. आणि यावेळी अपघात देखील झाल्याच्या घटना आत्तापर्यंत समोर आलेल्या आहेत. या आधी वंदे भारत एक्सप्रेसला म्हैशीची धडक झाल्याची घटना गुजरातमधून समोर आलेली होती. याबाबतचा व्हिडिओ देखील सोशल मीडियावर व्हायरल झाला होता. अशातच आता रेल्वे ट्रॅकवर गाडी चालू असताना गाय समोर आली. पण रेल्वे चालकाने गाडी रिव्हर्स घेऊन त्या गाईचे प्राण वाचवले आहेत. हा व्हिडिओ सोशल मीडियावर व्हायरल झालेला आहे आणि अनेकांनी यावर प्रतिक्रिया देखील दिलेल्या आहेत.
सोशल मीडियावर व्हायरल झालेल्या या व्हिडिओमध्ये तुम्ही पाहू शकता की, वंदे भारत ट्रेनच्या खाली गाय असल्याचे दिसत आहे. त्या गाईचे प्राण संकटात आहेत. परंतु वंदे भारत चालकाने तिचे प्राण वाचवले आहेत. त्यांनी ट्रेन मागे घेतली आणि गाय आरामात उठून चालली. परंतु हा व्हिडिओ कुठला आहे? हे मात्र माहिती अजून समोर आलेली नाही.
गाडी थांबवल्याने धोका टळला | Viral Video
व्हिडिओमध्ये ट्रेनच्या खाली गाय फसलेली दिसत आहे. शेजारी एक मालगाडी देखील उभी आहे. अनेकजण या घटनेचा व्हिडिओ देखील बनवताना दिसत आहे. परंतु ट्रेनच्या चालकाने वेळेतच गाडी थांबवली आणि त्यांचा अपघात देखील टळला.
लोकांच्या आल्या प्रतिक्रिया
हा व्हिडिओ आतापर्यंत अनेक लाख लोकांनी पाहिलेला आहे. त्याचप्रमाणे सगळेजण या व्हिडिओ त्यांच्या प्रतिक्रिया देत आहे. एका युजरने लिहिलेले आहे की, “एक जीव वाचला हे पाहून बरे झाले” त्याचप्रमाणे दुसऱ्याने लिहिले आहे की, “ड्रायव्हरने योग्य वेळ थांबून चांगला निर्णय घेतला.” आणखी एकाने कमेंट केली आहे की, “गाईला मृत्यूच्या दारातून परत आणलेले आहे.”