कोरोनासंकटामध्ये डॉक्टर आणि नर्सेसना मोफत हवाई सुविधा देण्यासाठी Vistara ची खास ऑफर

नवी दिल्ली । देशातील कोरोना साथीच्या आजाराच्या पार्श्वभूमीवर देशांतर्गत विमान कंपनी विस्ताराने डॉक्टर आणि परिचारिकांसाठी खास ऑफर्स आणल्या आहेत. कोविड साथीच्या या संकटामध्ये कंपनीने देशभरातील डॉक्टर आणि परिचारिकांना मोफत प्रवास करण्याची घोषणा केली आहे. नागरी उड्डाण मंत्रालयाच्या सहसचिव उषा पाध्ये यांना लिहिलेल्या पत्रात कंपनीने या ऑफरबद्दल माहिती दिली आहे. या व्यतिरिक्त कंपनीने म्हटले आहे की,” संकटाच्या वेळी आम्ही या योद्धांच्या सर्व सुविधांची काळजी घेऊ.”

उषा पाध्ये यांनी आपल्या ट्विटमध्ये विस्ताराचे पत्र उद्धृत केले आहे की,”सरकारी संस्था आणि रुग्णालयांच्या तातडीच्या गरजा भागविण्यासाठी विस्तारा हवाई वाहतुकीची सुविधा देण्यास तयार आहे. या व्यतिरिक्त कोरोनाशी सामना करण्यासाठी कंपनीने देशभरातील डॉक्टर आणि परिचारिकांच्या विनामूल्य हवाई प्रवासाचा प्रस्ताव दिला आहे. आपण एकत्र या संकटाशी लढाऊ या.”

कंपनी परत आणण्याचीही जबाबदारी स्वीकारू शकते
या व्यतिरिक्त, कंपनीने म्हटले आहे की,” ते फ्रंट लाइन कामगारांना एका ठिकाणाहून दुसर्‍या ठिकाणी विनामूल्य घेऊन जाऊ शकतात. आपल्या डॉक्टर आणि परिचारिकांना एका ठिकाणाहून दुसर्‍या ठिकाणी नेण्याचे काम करू शकल्यास आम्हाला खूप आनंद होईल असे या पत्रात म्हटले गेले आहे. काम पूर्ण झाल्यानंतर आम्ही त्यांना त्यांच्या जागी परत आणण्याची जबाबदारी देखील घेऊ शकतो.”

प्रथम येणाऱ्यास प्राधान्य या प्रमाणे जागा उपलब्ध असतील
विस्तारा यांनी आपल्या निवेदनात असेही म्हटले आहे क,” जागांची मर्यादीत उपलब्धता लक्षात घेता आम्ही प्रथम येणाऱ्यास प्राधान्य या आधारे मेडिकल प्रोफेशनल्सना जागा उपलब्ध करून देऊ.”

या कंपन्यांनी प्रवाशांना दिलासाही दिला
या व्यतिरिक्त स्पाइसजेट आणि इंडिगो या विमान कंपन्यांनी डोमेस्टिक फ्लाइटच्या तिकिटांसाठी वेळ किंवा तारीख बदलण्यासाठी कोणतेही शुल्क न आकारण्याचा निर्णय घेतला होता. इंडिगो 30 एप्रिलपर्यंत तर स्पाइसजेट 15 मे पर्यंत या नव्या बुकिंगसाठी चेंज फीस घेणार नाही.

राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा

Click Here to Join Our WhatsApp Group