म्युच्युअल फंड SIP चे फायदे काय आहेत? समजून घ्या त्याचे संपूर्ण गणित

नवी दिल्ली । देशात गेल्या 8-10 वर्षांत म्युच्युअल फंडातील गुंतवणूक झपाट्याने वाढली आहे. यामध्ये जास्तीत जास्त गुंतवणूक SIP च्या माध्यमातून केली जात आहे. अनेक नवीन गुंतवणूकदार शेअर बाजारात पैसे गुंतवण्याचे नियोजन करत असतात. जर तुम्ही शेअर मार्केटमध्ये गुंतवणूक करण्याचा विचार करत असाल तर म्युच्युअल फंड हा एक चांगला पर्याय आहे. यामध्ये तुम्ही SIP द्वारे दर महिन्याला ठराविक रक्कम जमा करू शकता.

तुम्ही फक्त 100 रुपयांनी SIP मध्ये गुंतवणूक सुरू करू शकता. ही रक्कम गुंतवणुकीच्या इतर कोणत्याही माध्यमाच्या तुलनेत फारशी नाही. यासोबतच दर महिन्याला गुंतवणूक करून शिस्तबद्ध गुंतवणूक करायला शिकवते.

तुम्ही तुमच्या गुंतवणुकीची रक्कम वाढवू शकता
गुंतवणूकदारांच्या मते SPI देखील फ्लेक्सिबल असतात. या दरम्यान तुम्ही तुमच्या गुंतवणुकीची रक्कम देखील वाढवू शकता. समजा तुम्ही SIP मध्ये 500 रुपये गुंतवत आहात मात्र तुम्हाला हवे असल्यास ते वाढवू देखील शकता. SIP रक्कम वाढवल्याने म्युच्युअल फंड युनिट्सची सरासरी किंमत कमी होण्यास मदत होते. जेव्हा बाजारात तीव्र घसरण होते, तेव्हा SPI मधील गुंतवणुकीत वाढ केल्याने स्वस्त युनिट्सचा फायदा आणि जलद रिटर्न मिळण्याचा फायदा होतो.

मासिक बचत आणि काळजी नाही
SPI सुरू करण्याचा मोठा फायदा म्हणजे तुम्ही दर महिन्याला बचत करायला शिकता. तुम्ही तुमच्या आवडीनुसार दर महिन्याला ठराविक रक्कम गुंतवल्यास, तुम्ही निश्चित रक्कम वाचवाल. यासोबतच शेअर बाजाराचे टेन्शनही घ्यावे. कारण बारातील तज्ञ तुमचे पैसे गुंतवतील.

तुम्हाला पाहिजे तेव्हा तुम्ही SIP थांबवू देखील शकता. जर मधेच पैशांची गरज भासली तर तुम्ही ते थांबवू शकता. याचा अर्थ तुम्ही तुमचे पैसे दर महिन्याला ठराविक कालावधीसाठी गुंतवण्यास बांधील नाहीत. दुसरीकडे, गुंतवणूकदार म्हणून बाजाराला नियमित वेळ देण्याची गरज नाही.

तुमच्या पोर्टफोलिओमध्ये विविधता आणा
तुमच्या गुंतवणूक पोर्टफोलिओमध्ये विविधता आणा. संपूर्ण रक्कम कोणत्याही एकाच म्युच्युअल फंड योजनेत किंवा SIP मध्ये गुंतवू नका. वेगवेगळ्या योजनांमध्ये पैसे गुंतवा. हे तुम्हाला बाजार पडताना होणाऱ्या मोठ्या नुकसानीपासून वाचवेल. त्यापेक्षा वेगवेगळ्या क्षेत्रात गुंतवणूक करा.