हॅलो महाराष्ट्र ऑनलाईन । बॉलिवूडचा किंग शाहरुख खान लोकांना सतत कोरोना विषाणूबद्दल जागरूक राहण्यास सांगत आहे. यासह, तो आपल्या चाहत्यांना त्यापासून दूर राहण्याचा सल्लाही देत आहे. अलीकडेच शाहरुखचा त्याच्या मुलगा अबरामसोबतचा एक व्हिडिओ व्हायरल झाला आहे, ज्यामध्ये तो अब्रामबरोबर गाताना आणि नाचताना दिसला आहे. आता किंग खानने आणखी एक पोस्ट शेअर केली आहे, ज्यामध्ये त्याने सध्या सुरु असलेल्या लॉकडाऊनमधून शिकलेल्या धड्यांविषयी लिहिले आहे.
शाहरुखने आपल्या इन्स्टाग्राम अकाउंटवर आपल्या एका सेल्फीसह एक पोस्ट शेअर केली आहे, ज्यामध्ये त्याने या लॉकडाउनने आपल्याला काय शिकवले आहे याबद्दल सर्वांना सांगितले आहे. शाहरुखने इन्स्टाग्रामवर त्याने शिकलेले ५ धडे शेअर केले आहेत. या अभिनेत्याची ही पोस्ट सोशल मीडियावर बरीच व्हायरल होत आहे.
शाहरुखने यात लिहिले आहे की,” आपण बऱ्याच दिवसांपासून आपल्या इच्छांची पूर्तता न करता जगतो आहोत, पण आता आपल्याला कळले आहे की ते इतके महत्त्वाचे कधीच नव्हते. आता हे समजले आहे की आपल्याला आपल्या जवळ जास्त लोकांची गरज नाहीये, तर अशा लोकांची गरज आहे ज्यांच्याशी तुम्ही या लॉकडाऊनमध्ये बोलू शकता. आता जर वेळ पुन्हा थांबला तर त्या सर्व खोट्या असुरक्षितता विसरून आयुष्य जगा आणि ज्यांच्याबरोबर कधी भांडला आहात त्यांच्याबरोबर हसा. या सर्वांच्या शेवटी, प्रेम हे नेहमीच जिवंतच असेल, काहीही झाले तरी त्याची किंमत कधीही कमी होणार नाही.
त्याच वेळी, कोविड -१९ बरोबर सुरू असलेल्या या युद्धाला हातभार लावण्यासाठी नुकताच बॉलिवूडने फेसबुकवर लाईव्ह कॉन्सर्ट केली होती. ‘आय फॉर इंडिया’ या कॉन्सर्टमध्ये सुमारे ८५ भारतीय आणि जागतिक स्टार्सचे गायन, कविता पाठ, वादन आणि खासगी मेसेजेस प्रसारित करण्यात आले. या कॉन्सर्टमध्ये शाहरुख खानने गायलेले गाणे लोकांनी खूपच पसंत केले. यामध्ये त्याला त्याचा धाकटा मुलगा अबराम खान याने देखील साथ दिली होती. यावेळी चाहत्यांना या बापलेकाची गोंडस जोडी खूपच आवडली.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.