मुंबई । WhatsApp युजर्सची चॅटिंग आणखी मजेदार करण्यासाठी कंपनी एकापेक्षा एक फीचर देते. जगभरात २०० कोटी हून अधिक युजर्स असलेले WhatsApp हे जगातील नंबर वन मेसेजिंग अप आहे. त्याच कारण म्हणजे WhatsAppचे सहज वापरता येणारे फीचर्स. असंच एक फिचर म्हणजे चॅटिंग करतांना युजरने चुकून पाठवलेले मेसेज डिलीट करता येणे. डिलीट झालेले मेसेज ग्रुप किंवा पर्सनल चॅटवरून गायब होतात. अनेकदा चॅटिंग करताना समोरील व्यक्ती काही टाईप करते आणि तुम्ही वाचण्याच्या आधी पटकन डिलीट करते. आणि तुम्ही जेव्हा चाट उघडता त्यावेळी मेसेज डिलीटेड असं नोटिफिकेशन चॅट बॉक्समध्ये तुम्हाला दिसताच का बरं तिनं किंवा त्यानं मेसेज डिलीड केला असेल या विचारात तुमच्या डोक्याचा भुगा होतो. परंतु, आता हे डिलीटेड मेसेजेस तुम्ही एक खास ट्रिक वापरून वाचू शकता. तुम्ही म्हणाल ते कसं तर खालील स्टेप्स फॉलो करा आणि स्वतःच अनुभव घ्या!
डिलिट झालेले मेसेज वाचण्यासाठी खालील स्टेप्स फॉलो करा
व्हॉट्सअप चॅट मधून डिलीट झालेले मेसेज वाचण्यासाठी तुमच्याकडे अँड्रॉयड स्मार्टफोन असणे आवश्यक आहे. जर अँड्रॉयड स्मार्टफोन युजर आहात तर या स्टेप्सच्या माध्यमातून तुम्ही सहज डिलीट झालेले मेसेज वाचू शकता.
१. सर्वात आधी आपल्या फोनमध्ये गुगल प्ले स्टोरमधून WhatsRemoved+ एप डाउनलोड करा.
२. डाऊनलोड केल्यानंतर अपला सर्व एक्सेस द्या. जे ते मागत आहेत.
३. परमिशन दिल्यानंतर अपमध्ये पुन्हा जा.
४. या ठिकाणी त्या अपसंबंधी विचारले जाईल. ज्याचे नोटिफिकेशन तुम्हाला सेव्ह करायचे आहे किंवा अॅपमध्ये बदल करायचा आहे.
५. अॅप्सच्या यादीत व्हॉट्सअपची निवड करा.
६. पुढील स्क्रीनवर Allow टॅप करा आणि Yes, Save Files ला सिलेक्ट करा. असे केल्यानंतर अॅपची सेटिंग पूर्ण होईल. व हे वापरासाठी तयार होईल.
७. यानंतर व्हॉट्सअपवर सर्व नोटिफिकेशनसोबत डिलीट झालेले मेसेज या ठिकाणी सेव्ह केलेले मिळतील.
८. डिलीट मेसेज पाहण्यासाठी तुम्हाला केवळ या अपला ओपन करून टॉप बारमध्ये व्हॉट्सअप सिलेक्ट करणे आवश्यक आहे.
व्हॉट्सअप मध्ये डिलीट केलेले मेसेज वाचण्यासाठी ही एक खास ट्रिक आहे. या अपमध्ये येत असलेल्या जाहिरातीमुळे तुम्हाला त्रास होऊ शकतो. परंतु, जर तुम्ही या सेवेसाठी १०० रुपये मोजल्यास तुम्हाला या जाहिरातीचा त्रास होणार नाही.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.’‘