हॅलो महाराष्ट्र ऑनलाईन । देशातील तरुण आमदारांपैकी एक आमदार अशी ओळख शिवसेनेचे आमदार तसेच हिंदुहृदयसम्राट बाळासाहेब ठाकरे यांचे नातू आदित्य ठाकरे यांचा आज वाढदिवस आहे. सतत तरुणवर्गाशी संपर्क असल्याने तरुणवर्गातून त्यांच्यावर शुभेच्छांचा वर्षाव होतो आहे. तसेच बॉलिवूडमधील कलाकारही त्यांना सोशल मीडियावर शुभेच्छा देताना दिसून आहेत. अभिनेत्री दिशा पटाणी हिने सकाळी ट्विटरवरून आदित्य ठाकरे यांना शुभेच्छा दिल्या आहेत. त्यामुळे पुन्हा एकदा दोघांच्या नात्याबद्दल चर्चा होत आहेत. तसेच आदित्य ठाकरे यांच्या लग्नाचाही विषय निघतो आहे. काही दिवसांपूर्वी महाराष्ट्रातील तरुण आमदारांसोबत मुलाखतीत अवधूत गुप्ते यांनी आदित्य ठाकरे यांना लग्न कधी करणार असे विचारले होते त्यावर त्यांनी अत्यंत मिश्किल उत्तर दिले होते.
अवधूत गुप्ते यांनी हा प्रश्न विचारत आदित्य ठाकरेंची गंमत करण्याचा प्रयत्न केला होता. रश्मी वहिनींनी किती वर्ष जबाबदारी घ्यायची? असे विचारले असता आदित्य ठाकरे यांनी आमदार म्हणून माझी जबाबदारी आईंने मुख्यमंत्र्यांवर सोपवली आहे असे उत्तर दिले होते. यावर दिशा पटाणी हिचे अप्रत्यक्षरीत्या नाव घेत त्यांनी, ‘पण आम्हाला बातम्यांमध्ये काहीतरी दिसत असतं ..’ असे म्हणत ‘उत्तर हमको पटनी चाहिये’ असा गंमतीशीर उल्लेख केला होता. आदित्य ठाकरे यांनीही अगदी शिताफीने तुमची दिशा चुकली आहे असे उत्तर दिले होते. तसेच त्यांनी आईने आधीच जबाबदारी सोडून दिली आहे असेही सांगितले होते. यावर आमदार धीरज देशमुख यांनी ते एलिजिबल आणि अव्हेलेबल असल्याचे सांगत आहेत म्हणल्यावर उपस्थितांमध्ये हशा फुटला होता.
आता आदित्य ठाकरे कधी आणि कुणासोबत लग्न करणार येणाऱ्या काळात सर्वाना समजेलच आता मात्र दिशा पटाणी आणि त्यांचे नाव चांगलेच चर्चेत आहे. त्यांच्या वाढदिनी सर्वानी तो साध्या पद्धतीने साजरा करावा असे आवाहन त्यांनी केले होते. ते राज्याचे पर्यावरण मंत्री आहेत. हा प्रश्न ज्या मुलाखतीत विचारला गेला होता त्यामध्ये धीरज देशमुख, आदिती तटकरे, आदित्य ठाकरे, रोहीत पवार, झिशान सिद्दीकी, ऋतुराज पाटील देखील समाविष्ट होते.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.