हॅलो महाराष्ट्र ऑनलाईन । चीनमधून पसरलेल्या कोरोनाव्हायरसने संपूर्ण जगाचा ताबा घेतला आहे. सर्व देश या विषाणूपासून बचाव करण्यासाठी जोरदार तयारी करत आहेत, परंतु आता बर्‍याच देशांमध्ये हे वादाचे कारणही बनत आहे. वास्तविक, चीनमधून भारतात येत असलेल्या रॅपिड अँटी बॉडी टेस्ट किट्सची डिलिव्हरी एप्रिलच्या दुसर्‍या आठवड्यात दिली जाणार होती, जी अद्यापही झालेली नाही. या किटच्या डिलिव्हरीला अमेरिकेच्या दिशेने वळविण्यात आल्याचा दावा तामिळनाडूच्या मुख्य सचिवांनी केला आहे. डब्ल्यूएचओने या संदर्भात स्पष्टीकरण देत म्हटले आहे की आम्हाला या विषयावर कोणतीही माहिती मिळालेली नाहीये.
२८ मार्चला भारताने चीनला ऑर्डर दिली
२८ मार्च रोजी भारताने ५ लाख जलद अँटी बॉडी टेस्ट किटस चीनी कंपनीला मागितल्या असून एप्रिलच्या दुसर्‍या आठवड्यात त्याची डिलिव्हरी होणार होती. परंतु अद्यापही डिलिव्हरी मिळालेली नाही. तामिळनाडूचे मुख्य सचिव म्हणतात की केवळ वैद्यकीय किट भारतात आणण्यास विलंब होत आहे कारण ती अमेरिकेकडे वळविण्यात आली आहे.
डब्ल्यूएचओचे कार्यकारी संचालक डॉ. माईक रायन म्हणाले की आम्ही सर्व देशांना वैद्यकीय पुरवठा करण्यासाठी सर्वतोपरी प्रयत्न करीत आहोत. परंतु आम्हाला याबद्दल कोणतीही माहिती नाही आणि अशी कोणतीही सूचनाही आम्हांला मिळालेली नाही. डॉ. रायन म्हणाले की आम्ही अमेरिकेची समस्या सोडवू शकत नाही. डब्ल्यूएचओने म्हटले आहे की, ‘हे खरे आहे की सध्या जगभरात चाचणी किट्सची कमतरता आहे.
टेस्टिंग किट्स १५ एप्रिल रोजी दिले जातील
दरम्यान, ही बातमी देखील ऐकली जात आहे की टेस्टिंग किट्सचे वितरण लवकरच केले जाऊ शकते. पीटीआयने भारत सरकारला लिहिले आहे की, चीनमधून येणाऱ्या टेस्टिंग किट्सची पहिली डिलिव्हरी १५ एप्रिल रोजी भारतात पोहोचेल.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “HelloNews”
हे पण वाचा –
३० एप्रिल ऐवजी मोदींनी ३ मे पर्यंत का वाढवला लॉकडाउन, हे आहे कारण
कहर कोरोनाचा! राज्यातील कोरोनाग्रस्तांचा आकडा २ हजार ४५५ वर
आणि माकडांनी स्विमिंगपूलवर ‘अशी’ केली मस्ती, व्हिडिओ व्हायरल
खोल समुद्रात लपले आहे कोरोनावरचे औषध? पहा काय म्हणतायत अभ्यासक