Wiper Rainy Glasses | पावसाळा हा अनेकांचा अत्यंत आवडीचा ऋतू असतो. कारण पावसाळ्यात सुंदर असा हिरवागार निसर्ग पाहायला सगळ्यांना खूप आवडतो. अनेक लोक हे फक्त निसर्ग पाहण्यासाठी लॉंग ड्राईव्हसाठी बाईकवर जात असतात. आणि या नयनरम्य दृश्याचे दर्शन घेत असतात. परंतु मुसळधार पावसात बाईकवरून जाताना अनेकांना अनेक अडचणीचा सामना करावा लागतो. अनेक लोक रेनकोट घालतात. त्याचप्रमाणे डोळ्यांवर गॉगल, हेल्मेट घालतात. तरीदेखील प्रवास करताना त्यांना अनेक अडचणी येतात. ते म्हणजे प्रवास करताना त्यांच्या चष्म्यावर किंवा हेल्मेटवर पाणी पडते आणि त्यामुळे त्यांना समोरच्या गोष्टी नीट दिसत नाहीत. या सगळ्यामुळे अपघात होण्याची देखील दाट शक्यता असते.
परंतु आता तुम्ही या पावसाळ्यामध्ये कोणत्याही समस्याशिवाय या निसर्गरम्य परिसराचा अनुभव घेऊ शकता. कारण आता बाजारात एक विशेष चष्मे आलेले आहेत. जे पावसाळ्यासाठी ड्रायव्हिंग करताना फायदेशीर आहेत. या चष्म्यांमध्ये लहान लहान वायपर असतात. जे चष्म्यावर पडणारे पावसाचे थेंब किंवा धूळ काढून टाकतात. त्यामुळे तुम्हाला समोरील दृश्य अगदी स्पष्ट दिसू लागतात. आता आपण या चष्म्याची वैशिष्ट्य काय आहेत? ते पाहणार आहोत.
वायपर रेनी ग्लासेस वैशिष्ट्य | Wiper Rainy Glasses
- हे वायपर बॅटरीवर चालतात. त्यामुळे डोळ्यांवर हलके आणि चांगलेच आरामदायी असतात.
- चष्मे तुम्हाला बाजारामध्ये विविध आकारांमध्ये त्याचप्रमाणे रंगांमध्ये देखील उपलब्ध होतील. त्यामुळे तुम्ही तुमच्या आवडीनुसार हे खरेदी करू शकता
- अँटिफॉग आणि अँटी स्क्रॅच लेन्स धोक्यापासून तुमच्या डोळ्यांना वाचवतात आणि तुमचा बचाव करतात.
- हे ग्लासेस पोर्टेबल आणि वापरण्यास अत्यंत सोपे आहे. त्यामुळे डोळ्यांवर लावणे आणि काढणे हे तुम्ही सहज करू शकता.
वायपर रेनी ग्लासेसचा वापर कसा करावा? | Wiper Rainy Glasses
वायपर चालवण्यासाठी तुम्हाला एक लहान बॅटरी दिली जाईल. ती लहान बॅटरी घाला. चष्मे डोळ्यांवर योग्यरीत्या बसतील याची खात्री करा. त्यानंतर तुम्ही जेव्हा पावसात ड्रायव्हिंग करत असाल, त्यावेळी हे वायपर चालू करा.
खरेदी करताना या गोष्टी लक्षात ठेवा
चांगल्या दर्जाची वायपर टिकाऊ आणि प्रभावशाली वायपर असलेले चष्मे निवडा.
जास्त वेळ डोळ्यांवर लावण्यासाठी हलक्या आणि आरामदायी फ्रेम निवडा.
विविध किमतीमध्ये हे चष्मे उपलब्ध आहेत.त्यामुळे तुमच्या बजेटमध्ये बसेल अशी निवड करा.