सासरच्या जाचाला कंटाळून विवाहितेची गळफास घेवून आत्महत्या

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

सातारा प्रतिनिधी | सकलेन मुलाणी

मोबाईल शॉपीचे दुकान टाकण्यासाठी माहेरहून तीन लाख रुपये घेऊन ये…! असा तगादा लावणाऱ्या सासरच्या मंडळीच्या जाचाला कंटाळुन विवाहितेने गळफास घेऊन आत्महत्या केली आहे. ही धक्कादायक घटना सातारा जिल्हयात घडली असून या प्रकरणी नवऱ्यासह सासरच्या मंडळींवर आत्महत्येस प्रवृत्त केल्याप्रकरणी गुन्हा दाखल झाला आहे.

विवाहितेने गळफास घेऊन केलेल्या आत्महत्येने माण तालुक्यात खळबळ उडाली आहे. भालवडी येथील आसमा अस्लम मुलाणी, वय २३ असे या विवाहितेचे नाव आहे. २०१७ मध्ये लग्न झालेल्या आसमाला पहिल्यापासून कोणत्या ना कोणत्या कारणातून सासरची मंडळी जाच करीत होती. अलिकडच्या दिवसात माहेरहून नवऱ्याला मोबाईल शॉपी टाकण्यासाठी तीन लाख रुपये घेऊन येण्यासाठी तिला सतत जाच होत असल्याने आज (दि.8) शुक्रवार रोजी या विवाहितेने सकाळी आपल्या राहत्या घरात गळफास घेऊन आत्महत्या केली.

याप्रकरणी नवरा असलम जाफर मुलाणी, सासरा जाफर दादाभाई मुलाणी, सासू अफसाना जाफर मुलाणी ,दुसरी सासू अमजद जाफर मुलाणी यांच्या विरुध्द म्हसवड पोलीस ठाण्यात आत्महत्येस प्रवृत्त केल्या प्रकरणी गुन्हा दाखल करण्यात आला आहे.

Leave a Comment