टीम, HELLO महाराष्ट्र। दुचाकी निर्मिती मध्ये अग्रगण्य असणाऱ्या ‘यामाहा’ कंपनीने आपली लोकप्रिय स्पोर्ट्स बाइक यामाहा R15 V3 (Yamaha R15) नव्या BS-6 इंजिनसह लाँच केली आहे. यापूर्वी यामाहाने BS6 इंजिनसह FZ आणि FZS या दोन बाइक्स भारतात लाँच केल्या आहेत. R15 V3 च्या BS6 व्हर्जनची किंमत 1.46 लाख रुपये(एक्स-शोरुम) आहे.
यापूर्वीच्या BS4 व्हेरिअंटपेक्षा नव्या बाइकची किंमत चार हजार रुपयांनी अधिक आहे. सध्या जवळपास सर्वच कंपन्यांनी भारतात एप्रिल 2020 पासून लागू होत असलेल्या बीएस-6 मानकांसह वाहनं अपग्रेड करण्यास सुरूवात केली आहे.
दरम्यान या बाइकमध्ये 155cc, SOHC, 4-व्हॉल्व, लिक्विड-कूल्ड, फ्युअल इंजेक्टेड इंजिन आहे. हे इंजिन 10,000rpm वर 19.3hp ची ऊर्जा आणि 8,500rpm वर 15Nm टॉर्क निर्माण करतं. यामध्ये 6-स्पीड ट्रांसमिशनचा पर्याय असून या स्पोर्ट्स बाइकमध्ये स्लिपर क्लच, गिअरशिफ्ट लाइटसह डिजिटल मल्टी-फंक्शनल इंस्ट्रुमेंट क्लस्टर, एलईडी हेडलाइट आणि एलईडी टेललाइट यांसारखे फीचर्स आहेत.