‘या’ 7 ठिकाणी गुंतवणूक करून वाचवता येऊ शकेल 1.50 लाखांपर्यंतचा टॅक्स, अधिक तपशील जाणून घ्या

नवी दिल्ली । चालू आर्थिक वर्ष संपण्यास दोन महिन्यांहून कमी कालावधी शिल्लक आहे. यानंतर नवीन आर्थिक वर्ष म्हणजेच 2022-23 सुरू होईल. यानंतर टॅक्स आणि इतर अनेक गोष्टी बदलतील. चालू आर्थिक वर्ष संपण्यापूर्वी तुमच्याकडे टॅक्स वाचवण्यासाठी दोन महिन्यांपेक्षा कमी कालावधी आहे.

जास्तीत जास्त टॅक्स वाचवण्याचे सर्व मार्ग तुम्ही अद्याप अवलंबले नसतील तर हे काम लवकरात लवकर करणे केव्हाही चांगले. वेळ जास्त असेल तर सर्व पर्यायांचा शोध घेण्याची व्याप्ती वाढते. आयकर कायद्याच्या कलम 80C अंतर्गत अनेक पर्याय आहेत, जिथे तुम्ही गुंतवणूक करून जास्तीत जास्त 1.50 लाख रुपयांपर्यंत टॅक्स वाचवू शकता. तुम्ही ज्याद्वारे टॅक्स वाचवू शकता असे 7 मार्ग खाली दिले आहेत…

पब्लिक प्रॉव्हिडेंट फंड : टॅक्स वाचवण्यासाठी पब्लिक प्रॉव्हिडेंट फंड (PPF) हे सर्वोत्तम सरकारी गुंतवणूक साधन आहे. यामध्ये तुम्ही दरवर्षी 1.5 लाख रुपयांपर्यंत गुंतवणूक करू शकता. त्यावर सध्या वार्षिक 7.10 टक्के व्याज मिळते.

नॅशनल पेन्शन स्कीम : नॅशनल पेन्शन स्कीम (NPS) सरकारद्वारे चालवला जाणारा रिटायरमेंट सेव्हिंग प्लॅन आहे. 80C अंतर्गत वार्षिक 1.5 लाख आणि कलम 80CCD (1B) अंतर्गत जास्तीत जास्त 50 हजार रुपये गुंतवले जाऊ शकतात.

सुकन्या समृद्धी योजना : जर तुमच्या मुलीचे वय 10 वर्षांपेक्षा कमी असेल तर तुम्ही तिच्या नावावर सुकन्या समृद्धी योजना (SSY) मध्ये गुंतवणूक करू शकता. व्याज दर वार्षिक 7.6 टक्के आहे. यामध्ये कर कपातीचा लाभही मिळतो.

सीनियर सिटीजन सेव्हिंग स्कीम : ज्येष्ठ नागरिकांसाठी, तुम्ही बँका आणि पोस्ट ऑफिसमधून या बचत योजनेत गुंतवणूक करू शकता. यामध्ये 7.4 टक्के वार्षिक दराने व्याज उपलब्ध आहे. यामध्ये गुंतवणुकीला 80C अंतर्गत सूट देण्यात आली आहे.

इन्शुरन्स प्रॉडक्ट्स : युनिट लिंक्ड विमा योजना (ULIPs) आणि पारंपारिक इन्शुरन्स प्लॅन्सना प्रीमियमवर टॅक्स सूट मिळते. ULIP प्रीमियमची रक्कम 2.5 लाखांपेक्षा जास्त असल्यास टॅक्स सूट उपलब्ध नाही.

टॅक्स सेव्हिंग फिक्स्ड डिपॉझिट : तुम्ही टॅक्स सेव्हिंग FD द्वारे टॅक्स सूट मिळवू शकता. मात्र हा फारसा चांगला पर्याय नाही कारण तो दरवर्षी 5 टक्क्यांपेक्षा कमी रिटर्न देतो. 5 वर्षांचा लॉक-इन कालावधी देखील आहे.

इक्विटी लिंक्ड सेव्हिंग्ज स्कीम : ही इक्विटी म्युच्युअल फंडाची योजना आहे. यामध्ये 80C अंतर्गत 1.5 लाखांपर्यंत गुंतवणूक उपलब्ध आहे. वार्षिक 1 लाख रुपयांपर्यंतचे रिटर्न टॅक्स फ्री आहेत आणि लॉक-इन कालावधी देखील किमान 3 वर्षांचा आहे.