पुण्यात दारू विक्री करणाऱ्या युवकाचा कोरोनामुळं मृत्यू; प्रशासन संपर्कात आलेल्यांच्या शोधात

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

पुणे । येरवड्यातील ‘हॉटस्पॉट’ परिसरात रात्रभर दारू विक्री करणाऱ्या युवकाचा सोमवारी रात्री कोरोनामुळे मृत्यू झाला. या घटनेने पोलिसांसह येरवडा क्षेत्रीय अधिकाऱ्यांची झोप उडाली असून संबंधित युवकाने किती जणांना दारू विक्री केली याची माहिती मिळणे अवघड झालं आहे. दरम्यान, या युवकाच्या कुटुंबातील सर्वांना क्वॉरंटाईन केले आहे.

मिळालेल्या माहितीनुसार, पर्णकुटी पोलिस चौकीच्या हद्दीतील हॉटस्पॉटच्या ठिकाणी राहत असलेला युवक रात्रभर गावठी व विदेशी दारू, ताडी विक्री करीत होता. त्याला काही दिवसापूर्वी कोराेनाचा संसर्ग झाल्याचे निष्पण झाले. त्याच्यावर ससून रुग्णालयात उपचार सुरू होते. सोमवारी त्याचा मृत्यू झाला. त्यानंतर मात्र येरवडा पोलिस आणि महापालिका अधिकाऱ्यांची धावपळ सुरू झाली. मात्र संबंधित युवकाला कोणामुळे कोरोना झाला? त्यानंतर त्याचा किती जणांनी संपर्क आला हे सांगणे कठीण असल्यामुळे तो राहत असलेल्या वस्तीतील रहिवासी भयग्रस्त झाले आहेत.

‘‘डॉक्टर आपल्या दारी उपक्रमात युवकाची आरोग्य तपासणी केली होती. त्याला कोरोना संशयीत म्हणून रुग्णालयात दाखल केले होते. तो कोरोना पॉझिटिव्ह असल्याचे निष्पन्न झाले होते. उपचारा दरम्यान त्याचा सोमवारी मृत्यू झाला.’’ अशी माहिती पुणे महानगरपालिकेच्या वैद्यकीय अधिकारी डॉ. माया लोहार यांनी दिली.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”

Leave a Comment