नवी दिल्ली । अलीकडेच, स्टॉक मार्केटमध्ये लिस्टेड झालेल्या फूड डिलिव्हरी कंपनी Zomato ने एक लिमिटेड एडिशन प्लॅन सुरू केला आहे ज्यात ग्राहकांना अनलिमिटेड फ्री डिलिव्हरीचा पर्याय दिला जात आहे. Zomato चे सहसंस्थापक आणि मुख्य कार्यकारी अधिकारी दीपिंदर गोयल यांनी ट्विटरवर ही माहिती दिली आहे. त्यांनी युझर्सना Zomato Pro Plus मेंबरशिप इनेबल करण्याचे आवाहन केले. दीपिंदर म्हणाले, “ही सुविधा युझर्सना मोठा लाभ देणार आहे. चला तर मग Zomato च्या या खास ऑफरबद्दल जाणून घेऊयात…
Zomato चे संस्थापक दीपेंद्र गोयल यांनी ट्विट केले की,” त्यांच्याकडे 1.8मिलियन Zomato Pro सदस्य आहेत. आमचे ग्राहक अनलिमिटेड फ्री डिलिव्हरीची मागणी करत आहेत (अमेझॉन प्राइम सारखे काहीतरी). तर… काही तासांत, आम्ही निवडक ग्राहकांसाठी आमचे लिमिटेड एडिशन प्रो प्लस मेंबरशिप लाँच करणार आहोत.
अनलिमिटेड फ्री डिलिव्हरी कशी मिळवायची ते जाणून घ्या
फूड डिलिव्हरी कंपनी झोमॅटो आपल्या काही खास युझर्ससाठी झोमॅटो प्रो प्लस मेंबरशिप लाँच करणार आहे. Zomato Pro Plus ची मेंबरशिप भाग्यवान युझर्सना Invitation द्वारे पाठवली जाईल, ज्यासाठी युझर्सना App उघडावे लागेल आणि ते पात्र आहेत की नाही ते तपासावे लागेल.
We have 1.8mn Zomato Pro members as of today.
And one of the most requested features from our customers has been “Unlimited Free Deliveries” (something like Amazon Prime).
So… in a few hours, we are launching our Limited Edition *Pro Plus* membership for select customers… pic.twitter.com/RtL4ftDBpt
— Deepinder Goyal (@deepigoyal) August 2, 2021
देशातील 41 शहरांमध्ये सेवा सुरू झाली
Zomato एडिशन ब्लॅक क्रेडिट कार्ड धारकांना आपोआप झोमॅटो प्रो प्लसमध्ये अपग्रेड केले जाईल. रेग्युलर युझर्सना Zomato App मधून प्रो प्लस अपग्रेड खरेदी करावे लागेल. Zomato Pro Plus मेंबरशिप भारतातील 41 शहरांमध्ये उपलब्ध असेल जिथे Zomato त्याची प्रो मेंबरशिप देते.
Zomato Pro काय आहे आणि किती सूट आहे जाणून घ्या
Zomato Pro हे एक सबस्क्रिप्शन पॅकेज आहे जे 2020 मध्ये लॉन्च करण्यात आले. हे आपल्या ग्राहकांना रेस्टॉरंट्समध्ये फूड आणि डिलिव्हरीवर सवलत देते. या महिन्याच्या सुरुवातीला, Zomato Gold ला Zomato Pro मध्ये अपग्रेड केले गेले जे डिलिव्हरी तसेच फूड मध्ये सवलत देते. Zomato Pro युझर्सना अतिरिक्त सूटसह फूडवर 40 टक्के सूट मिळते. हे ऑर्डरची 20 टक्के फास्ट डिलिव्हरी तसेच इतर ऑफर्समध्ये अतिरिक्त सवलत देते.
आत्तापर्यंत, Zomato चे 1.8 मिलियन Zomato Pro सदस्य आहेत. Zomato Pro मेंबरशिप सध्या 3 महिन्यांसाठी 200 रुपये आणि वार्षिक मेंबरशिपसाठी 750 रुपये आहे. तसेच, Zomato Pro च्या वापरावर कोणतीही डेली, विकली किंवा मंथली लिमिट नाही.