धुळे : जमावाने बेदम मारहान केल्याने पाच जणांचा मृत्यु झाल्याचा धक्कादायक प्रकार महाराष्ट्रातील धुळे येथे घडला आहे. मृत्यु झालेले पाच लोक लहान मुलांना पळवून नेण्यासाठी आले असल्याचा गैरसमज झाल्याने जमावाने त्यांना मारहान केली असल्याचे समजत आहे. मदतीसाठी घटनास्थळी दाखल झालेल्या पोलीसांनाही जमावाने मारहान केली असून ६ पोलीस गंभीर जखमी झाले आहेत. महाराष्ट्राला हादरवून टाकणारी ही घटना धुळे जिल्ह्यातील साक्री तालुक्यातील रेनपाडा गावात घडली आहे. मृत्यु झालेले पाचही लोक आदिवासी समाजातील असून मुळचे सोलापूर जिल्ह्यातील असल्याची प्राथमिक माहीती आहे. पोलीस कारवाईच्या भीतीने रेनपाडा गावातील बहुतांश लोक गाव सोडून पळून गेले आहेत. रेनपाडा प्रकरणात संपुर्ण गावच आरोपीच्या पिंजर्यात उभे असल्याने पोलीसांना तपासात अनेक अडथळ्यांना सामोरे जावे लागत आहे.
जमावाने मारहान केल्यने धुळ्यात पाच जणांचा मृत्यू
