औरंगाबाद : सद्रक्षणाय खलनिग्रहणाय असे ब्रीदवाक्य असणार्या पोलीस खात्याला शर्मेने मान खाली घालायला लावणारी लज्जास्पद घटना औरंगाबाद येथे घडली आहे. औरंगाबाद येथील पोलीस उपायुक्त राहुल श्रीरामे यांच्यावर एका तरुणीने बलात्काराचा आरोप केला आहे. महिला पोलीस काॅन्स्टेबलच्या २२ वर्षीय मुलीने व्हाॅट्सअॅपच्या माध्यमातून श्रीरामे यांच्याविरोधात पोलीसांत तक्रार नोंदवली आहे. फेब्रवारी २०१८ ते जून २०१८ दरम्यान श्रीरामे यांनी माझ्यासोबत जबरदस्ती शारीरीक संबंध ठेवूब वारंवार बलात्कार केल्याचा धक्कादायक आरोप त्या तरुणीने केला आहे. हाती आलेल्या माहीतीनुसार सदरील तरुणी स्पर्धापरिक्षांचा अभ्यास करत होती. मी तुला मार्गदर्शन करतो असे म्हणुन श्रीरामे यांनी तरुणीला स्वत:च्या फ्लॅटवर बोलावून घेतले होते. नोकरीचे अमिष दाखवून श्रीरामे यांनी तिच्यावर वारंवार बलात्कार केला असल्याचे तरुणीने तक्रारीत म्हणले आहे. पोलीस उपायुक्त श्रीरामे यांच्यावर एमआयडीसी सिडको पोलीस ठाण्यात बलात्काराचा गुन्हा दाखल करण्यात आला आहे. या घटनेमुळे संपुर्ण पोलीस खात्याला शर्मेने मान खाली घालावी लागली आहे.