भाजपमध्ये दीड महिन्यात नवे ७ कोटी सदस्य सामील

भाजपच्या पक्षघटनेनुसार आधीच्या सदस्यसंख्येपेक्षा २० टक्के नवे सदस्य जोडणे बंधनकारक असते. सदस्यता मोहीम हाती घेण्यापूर्वी भाजपची ११ कोटी सदस्यसंख्या होती. त्यानुसार दोन कोटी २० लाख नवे सदस्य सामील करायचे होते. पण भाजपची आतापर्यंत ऑनलाइन सदस्यसंख्या पाच कोटी ८१ लाख ३४ हजार २४२ झाली आहे, तर ऑफलाइन अर्ज भरुन ६२ लाख ३५ हजार ९६७ नवे सदस्य बनले आहेत.

दरम्यान भाजपच्या सदस्यत्व मोहिमेला प्रारंभ ६ जुलै रोजी वाराणसीहून झाला होता आणि याचा समारोप २० ऑगस्ट रोजी झाला. अतिवृष्टी, महापूर अशा नैसर्गिक अडथळ्यांमुळे ही मोहीम अवघ्या सहा आठवड्यांमध्ये थांबवावी लागूनही त्यात सात कोटी नव्या सदस्यांची भर पडल्याचा दावा नड्डा यांनी केला.