नवी दिल्ली । माजी फलंदाज सचिन तेंडुलकरने 7 वर्षांपूर्वी क्रिकेटमधून निवृत्ती घेतली होती. परंतु असे असूनही, त्यांची लोकप्रियता अजूनही अबाधित आहे. मोठे ब्रँड आजही त्याला आपल्या जाहिराती देत आहेत. हेच कारण आहे की, आपल्याला सचिन तेंडुलकर टीव्हीपासून सोशल मीडिया आणि होर्डिंगस मध्येही दिसत आहेत. सध्या आयपीएल चालू असल्याने त्याला ब्रँड अ‍ॅन्डोर्समेंट मिळालं तर नवल नाही. पण, आयपीएल व्यतिरिक्तही सचिन तेंडुलकर खूप व्यस्त आहे. सध्या सचिन तेंडुलकरकडे 18 ब्रँडसच्या जाहिराती आहेत. एसआरटी स्पोर्ट्स मॅनेजमेन्ट (SRTSM) कंपनीचे संचालक मृत्मोय मुखर्जी म्हणाले की, सचिन तेंडुलकर आपल्या कारकीर्दीच्या उंचीवर असतानादेखील त्याच्याकडे इतक्याच ब्रँड्सचे अ‍ॅन्डोर्समेंट होते.
अलीकडेच पेटीएम फर्स्ट गेम्स या ऑनलाइन गेमिंग प्लॅटफॉर्मने तेंडुलकरची ब्रँड् अ‍ॅम्बेसेडर म्हणून निवड केली आहे. गेल्या 10 वर्षांपासून त्याच्याकडे Livpure आणि Luminous सारखे ब्रँडस आहेत. या कंपन्यांनी जाहिरातीसाठी तेंडुलकरशी सातत्याने डील्स रिन्यू केल्या. येत्या काही दिवसांत सचिन दुसऱ्या अनेक ब्रँडसमध्ये सुद्धा सामील होईल, अशी अपेक्षा आहे. आंतरराष्ट्रीय क्रिकेटमधून निवृत्ती घेतल्यानंतर तीन वर्षांनी 2016 मध्ये सचिनला 25 ब्रँडची अ‍ॅन्डोर्समेंट मिळाली. गेल्या 3 वर्षात त्याला जवळपास 17 ब्रँड अ‍ॅन्डोर्समेंट मिळाले.
रिटायरमेंट नंतरही कोहली आणि धोनीला देत आहे टक्कर
तेंडुलकरच्या तुलनेत भारतीय क्रिकेट संघाचा कर्णधार विराट कोहली आणि माजी कर्णधार महेंद्रसिंग धोनीही पुढे आहेत. Duff & Phelps च्या सेलिब्रिटी ब्रँड व्हॅल्यूएशन लिस्टमध्ये विराट कोहली 2019 मध्ये अव्वल स्थानावर होता. 2019 मध्ये विराटची एकूण ब्रँड व्हॅल्यू 237.5 मिलियन डॉलर्स (1,771 कोटी रुपये) होती. या लिस्ट मध्ये 41.2 मिलियन डॉलर्स (सुमारे 307 कोटी रुपये) असलेला धोनी 9 व्या क्रमांकावर आहे. धोनीकडे 33, तर कोहलीकडे 25 ब्रँडस आहेत.
एन्डोर्समेंटद्वारे किती कमाई होते?
2019 मध्ये तेंडुलकरची ब्रँड व्हॅल्यू 15.8 टक्क्यांनी वाढून 25.1 मिलियन डॉलर (185 कोटी रुपये) पर्यंत वाढली आहे. Duff & Phelps च्या 2019 च्या लिस्ट मध्ये सचिन हा एकमेव रिटायर्ड सेलिब्रिटी होता. त्याच्या क्रिकेट कारकिर्दीत सचिन तेंडुलकरला 6-7 कोटी रुपये ब्रँड अ‍ॅन्डॉर्समेंटमधून मिळत असे. सध्या ते 4 ते 5 कोटींवर आलेले आहे. एका संशोधनानुसार, यावर्षी सचिनने आयपीएलच्या पहिल्या 16 सामन्यांसाठी 20 स्पोर्ट्स सेलिब्रिटींच्या लिस्ट मध्ये 11 वे स्थान मिळवले.
सचिनची ब्रँड व्हॅल्यू का उरली आहे?
आपल्या खेळण्याच्या दिवसांत सचिन हेल्थ आणि सॉफ्ट ड्रिंक्स (बूस्ट, पेप्सी, कोक), फूटवेअर (Action shoes, Adidas) आणि स्नॅक्स (Britannia, Sunfeast) यासारख्या श्रेणीतील ब्रँडसच्या जाहिराती करत असे. हे ब्रँडस टॉप क्लास एथलीटच्या नुसार त्याला सूट देखील करत असे. पण, रिटायरमेंट नंतर तो अधिक ‘मॅच्युर’ श्रेणीकडे वळला. त्याच्याकडे आता डीबीएस बँक, जिलेट, BMW आणि UNICEF सारखे ब्रँडस आहेत. या ब्रँडस त्याच्या व्यक्तिमत्त्वाला अगदी फिट बसतात.
सचिनने सोशल मीडियाचा देखील बराच वापर केला
सचिनने 2016 मध्ये आपली पत्नी अंजली तेंडुलकर हिच्यासमवेत स्पोर्ट्स मॅनेजमेंट कंपनी SRTSM सुरु केली. रिटायरमेंट नंतर लवकरच सचिनने सोशल मीडियावर आपली पोहोच वाढवण्याचा सतत प्रयत्न केला. फेसबुकवर त्याचे 2.8 कोटी फॉलोअर्स आहेत तर ट्विटरवर 3.43 कोटी आणि इंस्टाग्रामवर 2.71 कोटी फॉलोअर्स आहेत. सोशल मीडियावर त्याची असलेली उपस्थिती पाहूनच पेटीएम सारखा ब्रँड त्याला आपल्याकडे सामील करू इच्छित आहे.
पूर्वीप्रमाणेच व्यस्त
मुखर्जी म्हणाले की, बिझनेसमॅन म्हणून त्यांनी ‘Sachin Saga’ नावाचा एक ऑनलाइन गेम तयार केला आहे. आतापर्यंत सुमारे 1.5 मिलियन गेमर्स त्यावर खेळतात. मुंबई टी -20 लीगशी त्याची दीर्घकाळ भागीदारी आहे. याशिवाय त्याने Middlesex Cricket आणि County Club बरोबर देखील भागीदारी करून Tendulkar Middlesex Global Academy स्थापन केली आहे. त्यांनी 100MB नावाचे एक प्लॅटफॉर्म देखील डिझाइन केले आहे, जिथे अनेक स्वरूपात सामग्री उपलब्ध आहे. त्याच्या इंस्टाग्राम अकाउंटवर या संबंधित पोस्ट पहायला मिळतील.
ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.