पुणे | मराठा आरक्षण आंदोलनादरम्यान चाकण पोलिस स्टेशनची तोड़फोड़ करण्यात आली होती. त्यावेळी चाकण पोलीस स्टेशनचे पोलीस शिपाई अजय भापकर यांना आंदोलनकर्त्यांनी जबर मारहाण केली होती. त्यांची प्रकृति चिंताजनक असल्याची माहिती येत आहे. तसेच त्यांना काल दवाखान्यात दाखल केल्यापासून दोन तासात ते कोमात गेले आहेत.
अजय भापकरांना पाहण्यासाठी कोल्हापूर पोलीस परिक्षेत्राचे महानिरीक्षक विश्वास नांगरे-पाटील रुबी हॉल क्लिनीकला भेट देणार आहेत. मराठा आरक्षणाचे आंदोलन दिवसेंदिवस उग्र रूप धारण करत आहे. यावर तोडगा काढण्याची मागणी समाजाच्या सर्व स्तरातून पुढे येत आहे. राज्याचे जनजीवन विस्कळीत होत चालले असून सामान्य लोकांना मोठ्या समस्यांना तोंड द्यावे लागते आहे.
