कराड प्रतिनिधी | सकलेन मुलाणी
पुणे -बंगळूर महामार्गावर सायंकाळच्या सुमारास कराडजवळ एका चारचाकी कारने पेट घेतला. कराड पासून जवळ असलेल्या मलकापूर येथील रिलायन्स पेट्रोल पंपाजवळ सायंकाळी 5 वाजण्याच्या सुमारास घटना घडलेली आहे.
मलकापूर- नांदलापूर या दोन गावाच्या मध्यवर्ती ठिकाणी ही घटना घडली. सायंकाळी पाच वाजण्याच्या सुमारास धावत्या चारचाकी कारने पेट घेतल्यामुळे महामार्गावर गोंधळ उडाला. चारचाकी गाडी क्रमांक (एम एच -12-सीवाय-916) असा आहे.
पुणे-बंगळूर महामार्गावर धावत्या चार चाकी ने पेट घेतला @HelloMaharashtr @ibnlokmattv1 @news_lokshahi pic.twitter.com/EvQQj9wcCL
— Vishal Vaman Patil (@VishalVamanPat1) September 4, 2021
चारचाकी कारने पेट घेतला त्यावेळी गाडीतील चालकाने सावधानता बाळगत गाडी रस्त्यांच्या एका बाजूला थांंबवली. तसेच गाडीने पेट घेतल्याने आग विझवण्यासाठी व गाडीने लागलेली आग बघण्यासाठी लोकांनी मोठी गर्दी केली होती.