हॅलो महाराष्ट्र ऑनलाईन । राज्यात ओमिक्रोन या नव्या व्हेरियंटचे प्रमाण वाढू लागले आहे. दरम्यान आता अभिनेत्री करीना कपूर आणि अमृता अरोरा यांनी कोरोनाची लागण झाली आहे. या अभिनेत्रींनी कोरोना नियमांचं पालन न करता अनेक पार्ट्यांमध्ये हजेरी लावली होती. दोन्ही अभिनेत्रींच्या संपर्कातील सर्वांना आरटीपीसीआर चाचणी करण्याचे आदेश मुंबई महानगरपालिकेच्यावतीने देण्यात आले आहे.
याबाबत अधिक माहिती अशी की, अभिनेत्री करीना कपूर आणि अमृता अरोरा या दोन अभिनेत्रींनी अनेक पार्ट्याना उपस्थिती लावली होती. त्यामुळे त्यांना कोरोनाचा संसर्ग झाला असल्याचा संशय व्यक्त केला आहे.
करीना कपूर आणि अमृता अरोरा या दोन्ही दोन्ही अभिनेत्री ज्यांच्या ज्यांच्या संपर्कात आल्या आहेत, त्या सर्वांचे आता कोरोना चाचणी करण्यास मुंबई महापालकेच्या आरोग्य विभागाने सुरुवात केली आहे. या दोन्ही अभिनेत्रीप्रमाणे आणखी काही बॉलिवूड अभिनेते आणि अभिनेत्रींचे कोरोना रिपोर्ट येणार आहेत. त्यांच्या रिपोर्ट्सकडे सर्वांचे लक्ष लागले आहे.
