हॅलो बॉलिवूड ऑनलाईन। तसे पाहता बॉलिवूड इंडस्ट्रीमध्ये स्टार किडने एंट्री करणे यात काही फारसे आता नवीन राहिलेले नाही. अनेक स्टार किड्स रोज आपल्या पालकांच्या पाऊलावर पाऊल ठेवून इंडस्ट्रीमध्ये कूच करताना दिसत आहे. आता यात बॉलिवूडचा मिस्टर परफेक्शनिस्ट अर्थात बॉलिवूड अभिनेता आमिर खान याचा मुलगा जुनैद खान हा देखील बॉलिवूड इंडस्ट्रीमध्ये एंट्री करणार आहे, अशी जोरदार चर्चा सुरु आहे. लवकरच तो महाराजा या चित्रपटाद्वारे बॉलिवूडमध्ये पदार्पण करीत प्रेक्षकांच्या भेटीस येणार आहे. मुख्य म्हणजे त्याने या पदार्पणासाठी स्वतःवर खूप मेहनत घेऊन अगदी स्वतःचा कायापालटच केला आहे.
https://www.instagram.com/p/CP2Nvyrh8yr/?utm_source=ig_web_copy_link
बॉलिवूडचा आगामी चित्रपट ‘महाराजा’च्या चित्रीकरणाला आजपासून महाराष्ट्रात सुरुवात होणार असल्याचे म्हटले जात आहे. महाराष्ट्र सरकारने कोरोनाचे सगळे नियम पाळून सोबत निर्बंध शिथिल करीत राज्यात चित्रीकरणास पुन्हा एकदा परवानगी दिली आहे, अशी माहिती मिळत आहे. त्यामुळे मुंबईतील मरोळ या भागात बायो बबल पद्धतीने या चित्रपटाचे पूर्ण चित्रीकरण केले जाणार असल्याचे म्हटले जात आहे. हा चित्रपट यश राज फिल्म्सच्या अंतर्गत चित्रित होत आहे. तर यश राज फिल्मच्या या चित्रपटात जुनैदसोबतच शालिनी पांडे, जयदीप अहलावत या कलाकारांच्या मुख्य भूमिका आहेत.
https://www.instagram.com/p/CP3mwK0JeI0/?utm_source=ig_web_copy_link
राज्यात चित्रीकरणाची परवानगी दिली असली तरी चित्रकारणाबाबत कोरोना साथीसंबंधित काही नियम अजूनही तितकेच कठोर राहणार आहेत. चित्रीकरण करतेवेळी आधीप्रमाणेच कमी कामगार आणि कोरोना नियमांचे पालन करणे बंधनकारक असणार आहे. याच पार्शवभूमीवर या चित्रपटाच्या टीममधील सगळ्यांची कोरोना टेस्ट करण्यात आली असून कोरोना लसीचा पहिला डोस देखील संपूर्ण टीमला देण्यात आला आहे. या चित्रपटासाठी जुनैदने अतोनात मेहनत करून स्वतःवर काम केल्याची सध्या जोरदार चर्चा सुरु आहे. गेल्या काही वर्षांत जुनैदमध्ये खूपच बदल झाला आहे. त्याच्या या ट्रान्सर्फोमेशनची छाप बॉलिवूड इंडस्ट्रीवर पडणार का नाही हे पाहणे उत्सुकतेचे असणार आहे.