Aishwarya Rai Divorce : लाखो तरुणांच्या हृदयात बसलेली व मोठ्या प्रमाणात चाहता वर्ग असणारी ऐश्वर्या राय सतत टेंडिंगला असते. अभिषेक बच्चन आणि ऐश्वर्या राय यांच्या लग्नाला 16 वर्षे झाली आहेत. मात्र अजूनही अनेकवेळा ते घटस्फोट घेणार आहेत व त्यांच्या संसारात भांडणे सुरु आहेत अशा बातम्या सोशल मीडियावर येत असतात.
अशीच एक बातमी सध्या जोर धरू लागली आहे. ज्यामध्ये गेल्या काही आठवड्यांपासून घटस्फोट होण्याच्या बातम्या आणि अफवा सोशल मीडियावर येत आहेत. अभिनेत्री बच्चन निवासस्थानाच्या बाहेर जातानाही दिसली आहे. एका सूत्राच्या म्हणण्यानुसार अभिषेक आणि ऐश्वर्या त्यांच्या मुलीमुळे अजूनही एकत्र आहेत. या दोघांमध्ये वर्षानुवर्षे सुरू असलेल्या अडचणी आता वाढत आहेत. तसेच आता पाणी डोक्यावरून गेले आहे. भविष्यात दोघेही लवकरच घटस्फोट घेणार असल्याचीही बातमी आहे.
पद्मश्री मिळाल्यावर दिलेले भाषण आता व्हायरल होत आहे
या सगळ्या गोष्टींमध्ये 2009 मध्ये आलेली अभिनेत्रीची मुलाखतही व्हायरल होत आहे. या मुलाखतीत ऐश्वर्याने पद्मश्री पुरस्काराने सन्मानित झाल्यानंतर तिचे कुटुंब आणि अभिषेक यांच्या पाठिंब्याबद्दल सांगितले आहे. पद्मश्रीने सन्मानित होणे हा खूप मोठा सन्मान असल्याचे ती व्हिडिओमध्ये म्हणते. तसेच हा पुरस्कार मिळालेली मी इंडस्ट्रीतील सर्वात तरुण व्यक्तिमत्त्व असल्याचे लोकांचे म्हणणे आहे. त्याचसोबत जेव्हा माझ्या सासऱ्यांनी सांगितले की पाचव्या पद्मश्रीचे कुटुंबात स्वागत आहे, तेव्हा ती गोष्ट माझ्यासाठी खूप खास होती, अशी ऐश्वर्याची मुलाखत सध्या व्हायरल होत आहे.
ऐश्वर्या पतीसोबत डान्स करताना दिसली
व्हिडिओमध्ये ऐश्वर्याने असेही म्हटले होते की, तिला जगातील सर्वोत्तम नवरा मिळाला आहे. जे आपल्या महिलांसाठी जाहीर भूमिका घेण्याची एकही संधी सोडत नाहीत. दोघेही इंडस्ट्रीतील सर्वात आवडत्या जोडप्यांपैकी एक आहेत. अशा अनेक घटना आहेत जेव्हा लोकांना त्यांच्या नात्यातील कटुता जाणवली असेल. या सर्व बातम्यांदरम्यान, अंबानी इंटरनॅशनल स्कूलच्या वार्षिक दिवशी अभिषेक बच्चन आणि ऐश्वर्या राय ओम शांती ओमवर एकत्र नाचताना दिसले. त्यामुळे सध्या तरी त्यांच्या घटस्फोट होण्याच्या बातम्यात काहीच तथ्य नसल्याचे स्पष्ट दिसून येत आहे.