Thursday, October 6, 2022

Buy now

पतंगाच्या मांज्यात अडकलेल्या घुबडाला मिळाले जीवनदान

सांगली प्रतिनिधी । प्रथमेश गोंधळे

बुधगाव मधील ओंकार कॉलनी येथे सकाळी नऊच्या सुमारास पतंगाच्या मांज्यामध्ये घुबड अडकले असून इतर पक्षी मागे लागले आहेत अशी माहिती स्थानिक नागरिक स्वप्नील गडगुने, एस आर जाधव यांनी फोन द्वारें पक्षी अभ्यासक शरद आपटे यांना कळवले. पक्षीतज्ञ शरद आपटे यांनी लगेचच सदर घटनेची माहिती मानद वन्यजीव रक्षक अजितकुमार पाटील यांना दिली.

तात्काळ संपर्क करून जागेवर असणाऱ्या नागरिकांना फोन करून घटनेची माहिती घेतल्यानंतर मांज्याचा दोरा कापून घुबडाला खाली घेण्यात आले. नागरिकांनी सतर्क राहून हि घटना निदर्शनास आणून दिली तसेच सूचनेनुसार उशीर न करता मांजा कापून घुबडाला खाली घेतले. प्राणी मित्र संघटना वर्ल्ड रेस्कूचे जावेद, अभी धुमाळ यांच्यासह इतर सदस्यांनी जागेवर जाऊन सदर घुबडाच्या पंखात व पायात अडकलेला मांजा काडून घुबड वनविभागाकडे सुखरूप दिला.

सांगली वनविभागाचे वनरक्ष श्री जोगी यांनी ,वर्ल्ड रेस्कू च्या सदस्या कडून घुबड ताब्यात घेतले व त्याच्यावर प्राथमिक उपचार करून परत त्याच्या अधिवासात सोडत असल्याचे सांगितले. घुबडाचे प्राण वाचवण्यासाठी योगदान दिलेल्या ओंकार कॉलनीतील नागरिकांचे विषेश कौतुक वनविभागाच्या वतीने करण्यात आले.