औरंगाबाद | आश्रम शाळेत राहणाऱ्या एका शिपायाने खोलीतच गळफास घेऊन आत्महत्या केल्याची घटना समोर आली आहे. हट्टी, ता. सिल्लोड येथे मंगळवारी सकाळी आठ वाजता ही घटना उघडकीस आली. मच्छिंद्रनाथ देवराव थोरात (वय-58, रा वैजापूर) असे शिपायाचे नाव आहे.
शिपायाच्या आत्महत्येचे कारण अद्याप समजू शकले नाही. मच्छिंद्रनाथ थोरात हे आश्रम शाळेत कामासाठी शिपाई या पदावर कार्यरत होते थोरात व त्यांचे सहकारी दररोज सकाळी सोबत चहा पिण्यासाठी जात. मात्र मंगळवारी सकाळी नेहमीप्रमाणे थोरात यांच्या सहकाऱ्यांनी चहासाठी त्यांना आवाज दिला.
आवाज देऊनही प्रतिसाद न आल्यामुळे हकार्‍यांनी त्यांच्या खोलीत डोकावून पाहिले. तेव्हा थोरात यांनी गळफास घेतल्याचे दिसून आले. या घटनेची अजिंठा ठाण्यात अकस्मात मृत्यूची नोंद करण्यात आली आहे.