हॅलो महाराष्ट्र ऑनलाईन| आज केंद्रीय निवडणूक आयोगाची पत्रकार परिषद पार पडली. या पत्रकार परिषदेत दिल्ली विधानसभा निवडणुकीच्या तारखा घोषित करण्यात आल्या आहेत. या तारखांची घोषणा मुख्य निवडणूक आयुक्त राजीव कुमार यांनी केली आहे. त्यानुसार येत्या ५ फेब्रुवारीला मतदान होणार आहे. तर ८ तारखेला निवडणुकीचा निकाल जाहीर होईल. दिल्लीच्या विधानसभा निवडणुकीसाठी (Delhi Assembly Election) एकाच टप्प्यात मतदान होणार आहे.
महाराष्ट्रातील विधानसभा निवडणूक पार पडल्यानंतर दिल्लीच्या निवडणुका कधी जाहीर होतील याकडे सर्वांचेच लक्ष लागले होते. अखेर आज या तारखा जाहीर करण्यात आल्या आहेत. त्यामुळे आता पुढील महिन्यांमध्ये दिल्लीमध्ये कोणाची सत्ता येईल हे चित्र स्पष्ट होईल. आता या निवडणुका जाहीर झाल्यामुळे राजकीय वर्तुळातील घडामोडींचा वेगही वाढला आहे. परंतु सत्ता नेमकी कोण गाजवेल हे निकालानंतरच जाहीर होईल.
या आहेत महत्त्वाच्या तारखा
17 जानेवारी 2025 – उमेदवारी अर्ज भरण्याची तारीख
18 जानेवारी 2025 – उमेदवारी अर्जाची छाननी
20 जानेवारी 2025 – अर्ज मागे घेण्याची तारीख
5 फेब्रुवारी 2025 – मतदानाची तारीख
8 फेब्रुवारी 2025 – निकाल जाहीर
