नवी दिल्ली । तुम्ही AU Small Finance Bank चे ग्राहक असाल तर तुमच्यासाठी ही महत्वाची बातमी आहे. वास्तविक, बँक आपल्या सर्व बचत बँक खातेधारकांना Monthly Interest Credit मिळविण्याची परवानगी देते. बहुतांश बँका ग्राहकांना दर तिमाहीला व्याज देतात. RBI च्या नियमांनुसार बँका मासिक आधारावर व्याज जमा करण्यास फ्री आहेत. यासाठी सेंट्रल बँकेकडून कोणतीही सक्ती नाही.
तुम्ही सहज ऑनलाइन खाते उघडू शकता
तुम्ही AU 0101 App द्वारे AU Small Finance Bank मध्ये अगदी तुमच्या घरबसल्याही ऑनलाइन खाते उघडू शकता. या दरम्यान, बँक खाते उघडण्याच्या सर्व औपचारिकता ऑनलाइन पूर्ण केल्या जातात.
बँक जास्तीत जास्त 7 टक्के दराने व्याज देते
AU Small Finance Bank आपल्या खातेदारांना वर्षभरात जास्तीत जास्त 7 टक्के दराने व्याज देते. खात्यात जमा केलेल्या रकमेच्या आधारावर व्याजदर ठरवला जातो. खाली दिलेले व्याजदर 5 ऑक्टोबर 2021 पासून लागू आहेत.
खात्यावरील जमा असलेली रक्कम व्याज दर
1 लाखांपेक्षा कमी रक्कम 3.50 टक्के
1 लाख ते 10 लाखांपेक्षा कमी 5.00 टक्के
10 लाख ते 25 लाखांपेक्षा कमी 6.00 टक्के
25 लाख ते 1 कोटी पेक्षा कमी 7.00 टक्के
1 कोटी ते 10 कोटी पेक्षा कमी 6.00 टक्के
