औरंगाबाद : गेल्या वर्षांपासून संपूर्ण राज्यभर कोरोनाचा प्रादुर्भाव पाहायला मिळत आहे. रविवारी दिवसभरात कोरोनाच्या 20 नव्या रुग्णांची भर पडली आहे. यामध्ये शहरातील 6,तर ग्रामीण भागातील 14 रुग्णांचा समावेश असून 3 रुग्णाचा मृत्यू झाला आहे.
जिल्ह्यात रुग्णांची एकूण संख्या 1 लाख 47 हजार 463 एवढी झाली असून आतापर्यंत 1 लाख 43 हजार 659 रुग्ण कोरोनामुक्त झाले आहेत. आज पर्यंत 3504 रुग्णांचा मृत्यू झाला आहे. आज 24 कोरोनामुक्त रुग्णांना डिस्चार्ज देण्यात आला आहे.
यामध्ये शहरातील 7 आणि ग्रामीण मधील 17 रुग्णांचा समावेश आहे. औरंगाबाद शहरातील कांचनवाडी येथे 1 तर इतर ठिकाणी 5 रुग्ण आढळून आले आहे. ग्रामीण भागात औरंगाबाद 5, कन्नड 1, गंगापूर 1,सोयगाव 1, पैठण 4, वैजापूर 2 रुग्ण आढळले आहे. गंगापूर येथील 58 वर्षीय पुरुषाचा, पैठण येथील 65 वर्षीय पुरुष आणि 70 वर्षीय वृद्धाचा मृत्यू झाला आहे.