औरंगाबाद | गेल्या वर्षांपासून संपूर्ण राज्यभर कोरोनाचा प्रादुर्भाव पाहायला मिळत आहे. शुक्रवारी दिवसभरात कोरोनाच्या 18 नव्या रुग्णांची भर पडली आहे. यामध्ये शहरातील 2,तर ग्रामीण भागातील 16 रुग्णांचा समावेश असून एकाही रुग्णाचा मृत्यू झालेला नाही.
जिल्ह्यात रुग्णांची एकूण संख्या 1 लाख 47 हजार 599 एवढी झाली असून आतापर्यंत 1 लाख 43 हजार 813 रुग्ण कोरोनामुक्त झाले आहेत. आज पर्यंत 3 हजार 511 रुग्णांचा मृत्यू झाला आहे. आज 43 कोरोनामुक्त रुग्णांना डिस्चार्ज देण्यात आला आहे. यामध्ये शहरातील 7 आणि ग्रामीण मधील 36 रुग्णांचा समावेश आहे.
औरंगाबाद शहरात 2 रुग्ण आढळून आले आहे. ग्रामीण भागात औरंगाबाद 2, फुलंब्री 2, गंगापूर 1,सिल्लोड 2, खुलताबाद 1, वैजापूर 7, आणि पैठण येथे 2 रुग्ण आढळले आहे. त्याचबरोबर शनिवारी एकाचाही मृत्यू झालेला नाही.
